東張西望丨疑被劉馬車非禮受害人披露案發經過！商場屢被摸小腿 有人被跟上樓險入屋
2024-01-04 22:30 
有指27歲網紅「劉馬車」劉駿軒前日因涉嫌非禮被捕，案情指被捕男子多次在天水圍的屋邨商場，以扮問路或扮跌低物品在受害女童身旁藉此接近，並用手觸摸對方小腿或大腿後立即逃離現場。昨日TVB《東張西望》更訪問受害女童及其他受害人家長，今日（4日）再有兩名受害人向《東張西望》披露，疑似被同一男子非禮，手法與案情亦非常相近。
相關閱讀：東張西望丨三人目擊74歲老翁跌倒自動門仍不停撞 吳幸美實測被撞到企唔穩極危險
受害人Kelly指當日是上月28日，期後翌日竟再被非禮，Kelly先披露12月28日的案法經過：「當時睇緊餐牌，無留意到後面有個人，突然摸咗我後腳小腿一下。等我反應過來只係望到佢背影，佢嘅動作係扮緊將條藍色充電線放入褲袋，跟住行開。當時我有好大聲講一句『點解你要摸我隻腳？』跟住佢無理，佢係戴帽戴眼鏡、長衫長褲。」
「商場入面完全無人理我哋」
Kelly翌日與朋友到同一商場，疑再被同一個人非禮：「我感覺到後面有個人摸我左邊小腿，跟住發現摸我個人，好似係12月28日嗰個人。我同朋友喝住佢，我哋嗌嗰陣佢就即刻跑，我同朋友嗌非禮，但商場入面完全無人理我哋。去到天秀藍球場，我又見到喺頌富商場摸我嗰個人，佢見到我哋嘅反應係調頭走。」Kelly指當時男子戴cap帽、口罩，通常都是穿長衫長褲。
另一名向《東張》報料的受害者Lily更表示被該男子跟上樓，Lily指在12月28日與朋友買完食物返家：「我哋入𨋢，先撳咗26樓，嗰個男人隨後入嚟撳咗24樓，但𨋢入面得三個人，佢就緊貼住我，企我隔籬。到24樓時，佢出咗𨋢，我哋繼續上。」
外貌特徵不謀而合
Lily事後更被對方跟到去門口：「我哋到26樓時，後樓梯度門突然開咗，佢出咗嚟，快步咁行過來，當時我已經插鎖匙準備入屋，跟住佢捉住我，用普通話問話，但佢普通話又講唔正。跟住我話先生不如我帶你落去，佢先起身行落去，佢行到落樓下仲想要我聯絡，但佢明顥唔係住喺同邨。」Lily續指該男子身穿黑色長褲、身形偏高大，隨帶帶着一條藍色充電線，與Kelly所講的男子不謀而合。
其他文章：
東張西望丨9旬婦離世鬧爭產！兒子被指快閃喪禮兼落格百萬 反擊怒爆爸爸玩女人
東張西望丨八旬老翁沉迷按摩遭兩子斷絕關係 疑被34歲骨妹騙2百萬公開露骨訊息
東張西望丨中年婦私院切子宮竟致腸穿肚爛！涉事醫生拒交醫療報告 苦主：我啲腸已經爛晒
東張西望丨52歲女發展不倫戀被家暴！男友呷醋拉腳秤起暴打 涉事男：佢用頭襲擊我
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應