呂爵安患甲型流感誤以為中新冠 與Anson Lo拍眼鏡造型照不敢直視

呂爵安（Edan）日前在社交網自爆發燒，向來搞笑「擔當」的他更講爛Gag自言仍然創意十足沒有「燒壞腦」。時隔數天，Edan已經退燒，但喉嚨仍然很痛，昨天他去看醫生進行快測，見到「C」字上有條淺紅線，更一度以為中了新冠病毒，但原來是患上甲型流感，他說︰「噚日見退咗燒就諗住應該好快好返，點知今朝又好唔舒服，喉嚨又好痛，就即刻決定要去睇醫生。一睇先發現原來係甲型流感，大家一唔舒服就即刻去睇醫生啦，唔好學我。Btw，白癡仔以為c係covid ，以為打孖上咁癲，原來係control。」

Edan笑言好彩沒有「燒壞腦」。

Edan誤以為C就是covid 。

另外，他與Anson Lo （盧瀚霆)合演的港版《社內相親》還有兩天便大結局，Edan 貼出多張與在劇中飾演「爺爺」羅家英的合照，並憶起第一次與家英哥合作的點滴：「2 days left!! ，今日po下阿佛同爺爺嘅合照先，哩次應該係繼《臺灣文西 Only You》 後第一次再同家英哥合作。嗰陣家英哥帶住我哩個啱啱出道，咩都唔識嘅傻仔拍節目，成件事真係好奇妙同好深刻 。所以好開心今次可以有哩個機會再合作，真係超正超好玩，希望快啲可以又有下次！Btw阿佛嘅爺爺咪姐係。。。老佛爺？」他更笑言：「一日一爛 gag，醫生遠離我」。

家英哥雖然不是演Edan的爺爺，但二人都有不少對手戲。

Edan一直非常感謝家英哥對自己的疼錫和照顧。

Edan跟羅家英非常投緣

羅家英當然不忍心去真打Edan啦!

Edan第一次跟家英哥合作是《臺灣文西 Only You》。

由於與Anson Lo這對「CP代表」大受觀眾歡迎，早前有日本手造眼鏡店更找來兩人拍攝全新秋冬配搭造型宣傳照，分別示範共六個氣質眼鏡男造型，盡顯優雅魅力。拍攝當日，兩人輕鬆駕馭不同的配搭，默契十足的他們，更於六小時內極速完成。Anson Lo分別示範灰色與褐色大褸，盡顯「總裁」的時尚貴氣，無論是深色還是淺色鏡框，同樣零難度：「我平時多數戴黑色鏡框，感覺百搭啲，今次試咗呢個銀色框，發現原來都好好襯，以後都要試多啲唔同嘅眼鏡造型。」Anson Lo特別感謝品牌的邀請，讓他與Edan齊齊開工：「平時大家工作都好忙，要私下約出嚟真係唔容易，所以有機會一齊做嘢，感覺特別開心。」

Edan笑言拍攝時不敢直視Anson Lo

「溫柔秘書」Edan以全黑造型為主。

Edan這個造型書院味濃

二人有機會一齊工作，就會感覺特別開心。

Anson Lo盡顯「總裁」的時尚貴氣。

二人極速在六小時完成今次拍攝。

無論深色還是淺色鏡框，對Anson Lo同樣是零難度。

「溫柔秘書」Edan以全黑造型為主，他笑謂要配合「總裁」：「低調啲，唔係總裁以為我搶佢鏡，哈。」拍攝期間，兩人正忙於為新劇港版《社內相親》宣傳，舉手投足都相當「入戲」。當他們「合體」拍攝宣傳照時，竟然「逃避」與對方眼神接觸，Edan鬼馬說：「佢係總裁，我唔敢正眼望佢，咁有型，一對望變返田牧點算？」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ