尹光叱咤前夕開心唱跳變身拉票活動 方俊母親壽宴張偉文精靈赴會

「AI尹光」令79歲尹光突然爆紅，人氣急升，深受年輕一代喜愛，除強勢殺入商台叱咤樂壇「我最喜愛男歌手」最後5強，與MIRROR 3位成員姜濤、Anson Lo(盧瀚霆)、Ian(陳卓賢)、張敬軒和張敬軒齊名外，最近光B更挾著聲勢首次登上「熱搜娛圈風雲人物」十大位置，今年第四季度就已經有6個廣告，來勢洶洶。於商台《叱咤樂壇頒獎禮》前夕，大紅人尹光日前偕同太太李麗儀現身張偉文經理人方俊母親91歲壽宴，席間光B高興清唱新歌《dear myself》娛賓，全場High到爆。主人家方俊及大會司儀方麗盈更乘機為光B拉票，壽宴隨即變成小型拉票活動。最搞笑方俊點唱尹光嘅經典歌《少理阿爸》，光B卻笑住反對說：「但，你阿媽生日喎！」方俊狂笑回應：「同我阿媽冇關。」惹來全場大笑聲，氛氛歡樂。

79歲尹光越來越紅，也越來越開心。

興奮拍片。

台上開心唱歌。

仲又唱又跳。

尹光及劉家豪夫婦聚頭。

尹光和方俊及方麗盈台上交流。

方俊點唱尹光嘅經典歌《少理阿爸》。

尹光、劉家豪、梅小青、環星老闆張國林、方俊台上合唱。

在場的梅小青表示會投光B叱咤「我最喜愛男歌手」一票，因為讚尹光係香港之光：「佢真係好勁，好叻呀，尤其欣賞佢嘅活力，每次都能帶動到現場party氣氛，令到全場人都開心歡喜，呢啲人一定好好，我對佢有信心，相信佢能遇強越強。」對此，尹光說：「多謝投我票嘅好朋友，反而我對得失唔多緊張，有人投票經已當贏，喺心理上及聲勢上贏咗，而且最近多咗咁多job，點都冇輸。」

尹光強勢殺入商台叱咤樂壇「我最喜愛男歌手」最後5強。

光B好鍾意新歌《dear myself》。

光B近日多咗好多廣告，就算冇獎都係贏。

上月尹光開完演唱會。

張國林及小青姐都投光B一票。

方俊明年舉行善慈演唱會

另外，當晚席上客張偉文顯得十分精靈，不時對住鏡頭揮手及微笑，由頭食到尾，胃口大開。好有善心的方俊表示，當晚所得的人情會撥捐慈善用途，而明年他有意舉行善慈演唱會，造福人群。

張偉文見到方俊就開心。

偉文好好胃口。

劉家豪夫婦、張偉文、方俊。

好多朋友參與其中。

齊賀方俊媽媽麗麗91歲生日。

方麗盈、方俊台上合唱。

張偉文都被圍。

方俊捐出媽媽壽宴人情行善。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ