張家輝曾喊住挽留老婆勁深情自爆遭17歲囡囡嫌棄：佢唔睇我啲戲

2023-12-09 16:00

剛於上周六（2日）踏入59歲的影帝張家輝，2003年拍拖11年的TVB前花旦關詠荷結婚，婚後誕下一女張童。雖然關詠荷一度復出拍《同事三分親》及《情逆三世緣》等劇集，但自10年前已淡出幕前照顧家庭，讓老公專心出外博殺。近日忙為電影《爆裂點》宣傳的張家輝，日前作客鄭裕玲（Do姐）主持的網絡節目《The Do Show》，席間罕談妻女，更分享夫妻Sweet爆點滴，連鄭裕玲都聽到冧滋滋。

【相關閱讀】：獨家丨梁洛施鬧女戲被14歲大仔寸爆：同鬧仔一樣咁惡　《爆裂點》Cut晒感情戲張家輝呻失落

【點擊睇張家輝罕談妻女】：

家輝每次望到自己的獎座，都忘卻拍戲的辛苦。

戲中家輝與陳偉霆有不少對手戲。

家輝跟陳偉霆首次合作，戲中的兄弟情相當感人。

張家輝與譚俊彥在和合石的一場打鬥，他說是最辛苦的場面。

張家輝和梁洛施都想日後有機會再合作，好想開續集。

家輝笑言對林超賢導演又愛又恨，每次合作都是新挑戰。

張家輝日前作客鄭裕玲（左）主持的網絡節目《The Do Show》。

鄭裕玲與關詠荷曾合拍《武俠七公主》，回想拍攝期間7個女人幾個墟，非常嘈吵，鄭裕玲指惟獨關詠荷表現安靜。

鄭裕玲（左）大讚關詠荷是一個好演員。

關詠荷婚後一度復出拍《同事三分親》及《情逆三世緣》等劇集，但自10年前已淡出幕前照顧家庭，讓老公專心出外博殺。

被問到關詠荷是否為家庭放棄演藝事業？張家輝稱，雙方從未直接討論過這個問題，亦從沒禁止太太幕前演出。

張家輝大爆太太關詠荷現時迷上做陶瓷。

張家輝笑稱，太太關詠荷熱衷做陶瓷的程度直達「恐怖份子」級別。

張家輝說：「佢會成套架生整好晒，日日夜夜係咁琢磨。」

張家輝續指，自己性格不合群又孤僻，亦不喜歡做宣傳，故常跟太太說自覺不適合當演員。

太太關詠荷竟說出一番道理：「唔係㗎，其實呢個圈有人鍾意咁，要有人唔係咁先平衡到。」

張家輝又主動分享兩件夫妻小故事，指剛加盟TVB時曾偷偷飛到內地探當時仍是女友的關詠荷班。

張家輝說：「突然我有兩三日假，於是我就上去探佢，我冇通知佢，淨係問劇組佢哋嗰日喺邊度拍，當時佢化緊妝，我突然山長水遠去到坐喺佢後面。」

張家輝說：「佢化化吓妝擰轉個頭，嚇到『嘩～』咁嘅樣，哈哈哈。」

張家輝表示至今仍對太太關詠荷的驚嚇表情印象深刻。

張家輝又指有一個財閥曾三度向他大讚關詠荷人靚戲好，表示十分喜歡女方。

結果搞到張家輝多次發「惡夢」，夢見太太向他提出分手，且他一次比一次喊得犀利。

張家輝說：「我發到喊，喊到我醒咗擘大眼都仲喊緊，然後我猛嗌佢返嚟：『冇陰公呀你又離開我』。」

張家輝潛意識覺得對方是否想搶走自己老婆，鄭裕玲聞言掩嘴冧說好Sweet。

張家輝直言入行多年都遇過「飛來蜢」。

問到17歲女兒可會覺得爸爸攞影帝好叻？張家輝卻大爆囡囡不看自己的電影。

張家輝無奈道：「我問佢點解，佢又依依哦哦。」

張家輝笑稱沒有逼囡囡看自己的戲：「咁我又冇搵牙籤撐佢對眼一齊睇，咁唔睇咪唔睇囉，冇所謂。」

不過，問到囡囡有否想入娛樂圈？張家輝想了想，表示對方沒有很正面回答。

鄭裕玲（左）認為囡囡長大了，兩父女總會談談未來發展方向吧？

張家輝擺出一副「卑微老竇」樣說：「唉，我哋呢啲好知掟，一見佢唔係好想講就唔問㗎喇。」

對於屢被外界指與張學友似樣，張家輝笑言自己睇相都經常認錯。

張家輝笑道：「我直頭喺香港拍戲，一落車啲人話『張學友嚟喇』，大佬得嗰兩三米距離咋喎，又唔係遠！」

不過張家輝說，因頻頻遭途人認錯而逐漸感麻木。

張家輝更會回應途人：「我話『係呀係呀，你哋好嗎』，哈哈。」

節目中，鄭裕玲問到關詠荷是否為家庭放棄演藝事業？會否覺得悶而打算復出？張家輝稱，雙方從未直接討論過這個問題，亦從沒禁止太太幕前演出，但謂對方現時迷上做陶瓷，他笑稱：「佢（熱衷程度）係做到好似啲『恐怖份子』咁，會成套架生整好晒，日日夜夜係咁琢磨。（會否開展覽？）佢個人又好內斂，唔鍾意咁張揚，我諗佢唔會。」張家輝續指，自己性格不合群又孤僻，亦不喜歡做宣傳，故常跟太太說自覺不適合當演員，對方竟說出一番道理：「唔係㗎，其實呢個圈有人鍾意咁，要有人唔係咁先平衡到。」

張家輝分享夫妻浪漫回憶

隨後，張家輝又主動分享兩件夫妻小故事，當中揭露了其浪漫又深情一面：「我啱啱過無綫嗰時拍緊劇哮喘，佢就飛咗去內地拍劇，突然我有兩三日假，於是我就上去探佢，我冇通知佢，淨係問劇組佢哋嗰日喺邊度拍，當時佢化緊妝，我突然山長水遠去到坐喺佢後面，佢化化吓妝擰轉個頭，嚇到『嘩～』咁嘅樣，哈哈哈，嗰刻我好記得。」

第二件事是，有一個財閥曾三度向張家輝大讚關詠荷人靚戲好，表示十分喜歡女方，本來張家輝不以為意，未料令他多次發「惡夢」，夢見太太向他提出分手，且他一次比一次喊得犀利：「我發到喊，喊到我醒咗擘大眼都仲喊緊，然後我猛嗌佢返嚟：『冇陰公呀你又離開我』，跟住我發現原來聽呢個人講咗咁多次，我入咗腦，佢好似…係咪想搶走我老婆？」鄭裕玲聞言掩嘴冧說好Sweet。

【點擊睇張家輝舊照】：

張家輝與關詠荷於2003年底在澳洲雪梨結婚。

張家輝與關詠荷早在亞視年代已相識，1992年拍《龍在江湖（李小龍傳）》正式成為戀人。

張家輝與關詠荷曾合拍TVB劇《金裝四大才子》。

二人一起共患難多年。

關詠荷2006年1月為張家輝誕下一女。

張家輝一家三口幸福美滿。

張家輝夫婦不時被拍得出街拍拖。

關詠荷婚後淡出幕前。

關詠荷專心相夫教女。

張家輝與關詠荷多年來恩愛如昔。

張家輝夫婦早前曾帶囡囡（中）見白雪仙。

張家輝在金鐘商場被網民野生捕獲。

太太關詠荷更主動揸機幫大家影合照。

張家輝來者不拒，與粉絲逐一合照。

張家輝甚至親民地踎低與小粉絲合照，毫無架子。

張家輝親切地與小女孩傾偈。

該網民指，關詠荷在鏡頭後一直笑瞇瞇望住老公與小女孩互動。

張家輝當日左手卻包紮住，未知是否受傷呢？

張家輝與太太關詠荷低調拍拖行街。

張家輝（左二）早前相約胡楓（右）飯聚被網民捕獲。

張家輝自揭一招對付「飛來蜢」

那麼他入行多年來可遇上引誘？張家輝直言間中被人「電」下：「都係電吓啫，你唔『覆機』就冇嘢㗎啦。」並謂收工後多數留在屋企，幾乎零外出或應酬朋友，與太太相處的時間較多。問到17歲女兒可會覺得爸爸攞影帝好叻？張家輝卻大爆囡囡不看自己的電影，他無奈道：「我問佢點解，佢又依依哦哦，咁我又冇逼佢睇、搵牙籤撐佢對眼一齊睇，咁唔睇咪唔睇囉，冇所謂。」不過，問到囡囡有否想入娛樂圈？張家輝想了想，表示對方沒有很正面回答：「佢冇話想，又冇話唔想，唉，我哋呢啲好知掟，一見佢唔係好想講就唔問㗎喇。」並謂囡囡逐漸長大已有自己朋友，自己亦開始學習放手。

張家輝被認錯張學友感麻木

此外，對於屢被外界指與張學友似樣，張家輝笑言自己睇相都經常認錯，更因頻頻遭途人認錯而逐漸感麻木，他笑道：「我心諗你嗌夠未，直頭喺香港拍戲，一落車啲人話『張學友嚟喇』，大佬得嗰兩三米距離咋喎，又唔係遠，我慢慢對呢啲嘢都麻木咗，我話『係呀係呀，你哋好嗎』，哈哈。」他指，張學友亦認同兩人後生時很似：「佢有時見到我都話以為係自己。」