独家丨林嘉华逐点击破婚变暴瘦传闻劝勿信假新闻笑谈财困：啱啱买咗湖边屋嚟钓鱼

2023-12-04 07:00

66岁林嘉华自2019年约满TVB后返回加拿大定居享受人生，之前嘉华哥回港跟吴毅将、石修、元彪叙旧，因为一头白发惨被content farm老屈佢婚姻、健康及财政出现危机，所以憔悴暴瘦又一脸残样。林嘉华面对得啖笑的传媒新态，接受《星岛头条》访问时挺身澄清，唔只冇危机，更因投资有道，生活不知几快乐，他更劝大家认清真相：「𠵱家有好多转载报道，加插啲流嘢不可信，要以真人发声为准！」采访：方骞平摄影：罗安强场地：富豪香港酒店

66岁型佬林嘉华努力keep住身型及贪过瘾留白发，竟被传有健康危机。

林嘉华及刘宝珍享受退休四围玩，用行动证明婚变得啖笑。

两公婆识饮识食好有要求。

两公婆好恩爱。

好戏之人林嘉华冇谂过退休。

林嘉华唔介意TVB冇给他奖项。

嘉华系功能性演员。

林嘉华在多伦多有好多啫好，闲时出海钓鱼、种植及砌中式盆景，与太太刘宝珍四出游玩。日前嘉华的33岁独子林政峰为父母庆祝结婚39周年，林嘉华在社交网上载有关图文，Sweet到爆。对于夫妻相处之道，他的贴士好简单，就是互相体谅，大事化小，小事化无。

嘉华哥在港跟吴毅将、石修及元彪叙旧。

每年结婚周年都会庆祝。

嘉华哥的加拿大屋企。

家居布置得好有圣诞节气氛。

懂得享受生活。

两公婆煮丰富佳肴。

儿子不时下厨。

林嘉华儿子林政峰好孝顺。

花园砌中式盆景。

作品有水准。

种植番茄。

好有闲地种埋花。

投资物业升值3倍

对于被网传婚变、经济拮据，要住多伦多3、4线小区，甚至讲到独子要摆街边卖衫，连朋友都为他抱不平，嘉华反而一笑置之：「可能有次买屋同人倾开，啲人听头听尾就乱传，仲传到话刘宝珍带个仔返港交返畀我。」对于财困传闻，他没好气说：「每个人睇嘢嘅标准都唔同，可能有啲人认为要有4间赌场至系财务松动呢？我唔系要炫耀自己，𠵱家我过得好轻松，冇任何财政压力，之前用百几万加币(约900万港币)喺Peterborough买咗间3房湖边度假屋，一年四季都可以去小住，明年打算会喺另一区买多间嚟钓鱼。」

加拿大住所外围。

林嘉华好锺意钓鱼。

好锺意钓鱼的嘉华哥买咗三房湖边屋仔，得闲住吓。

林嘉华、刘宝珍花百几万加币(约900万港币)喺Peterborough买咗间3房湖边度假屋。

湖边度假屋环境悠优美。

一家3口一年四季都可以去玩。

湖边度假屋有3房及恒温装置。

嘉华分享移民心得：「当年我拣咗喺多伦多交税最多，最多专业人士聚居嘅Unionville(如同香港九龙塘的万锦市社区)落脚，由于有升值潜力，啲屋升多咗3倍，有啲用嚟自住，有啲就投资屋换屋，我哋都有掟大嚿钱畀囝囝做首期，买有打理嘅apartment，等佢唔使供咁多，又有自己嘅物业。」他表示，儿子有自家时装品牌及店铺，不用他经济支援做生意，之前在加拿大潮区Ossington开设Pop Up Store，吸引好多有消费力嘅潮人，「囝囝又会于party亲自示范做手工染布，完全唔系喺街边档卖衫罗。」对于外型憔悴又暴瘦，他强调都系观点和角度问题：「有人认为我过瘦，亦都有人赞我fit，请教keep fit之道，其实系用饮食控制身型，少食多餐及只能食7成饱。至于还原白发系贪过瘾，反正疫情期间冇工开，之前做舞台剧《嬉春酒店》都试过白发，咪将染过嘅黑发漂走。」

嘉华夫妇力撑儿子开时装品牌Pop Up Store。

之前儿子林政峰在加拿大潮区Ossington开设Pop Up Store。

林嘉华儿子林政峰于party亲自示范做手工染布。

儿子林政峰借埋古董车增加吸引力。

嘉华强调儿子完全唔系喺街边档卖衫。

自家时装品牌Pop Up Store吸引好多有消费力嘅潮人。

林嘉华(右1)演舞台剧《嬉春酒店2016》以白发示人。

白发嘉华被指外型憔悴又暴瘦。

享受拍戏唔会退休

林嘉华认为人生要过自己锺意嘅生活，要relax唔好有咁多包袱。他坦言好享受拍戏唔会退休，因为每个剧本嘅戏，都系另一个人生，谈到最深刻的角色，嘉华指《铁马寻桥》的大奸角荣德，曾获大马颁奖礼民选「最受欢迎奸人奖」，但因为只属TVB部头艺人，攞唔到台庆「男配」：「记得监制李添胜搵我拍，原意系叫我杀住头及尾几集，中间交畀后生演，点知后来啲戏写晒喺我身上， (TVB欠你一个奖？)呢个世界系冇拖冇欠嘅，我喺呢行唔著重奖项，而系观众心目中仍然记得林嘉华，锺意我啲角色。」

奸到出汁嘅林嘉华跟马国明、惠英红合作《铁马寻桥》，打入台庆「最佳男配」最后5强。

嘉华在《铁马寻桥》演大奸角荣德。

林嘉华演《铁马寻桥》获大马颁奖礼民选「最受欢迎奸人奖」。

港视停运观众损失

坦言近年少睇港剧的嘉华哥喜欢睇韩剧，最深刻是《鱿鱼游戏》。入行近50年，他最肉赤王维基的HKTV被迫停运：「系香港观众嘅损失，港视制作剧《夜班》、《警界线》、《我阿妈系黑玫瑰》、《惊异世纪》剧本统统都好正，演得好开心，唔拍系遗憾。」问到何时返TVB拍剧？自由身的嘉华哥表示要有啱剧本，但近年拍电影居多，因为可以喺短时间内演绎到角色。讲到喜欢嘅演员，他认为刘青云可以完全搣甩固定角色及形象，系出色演员；刘松仁对拍剧有要求；张建声好有才华及潜质，因为热爱电影肯为角色付出。嘉华哥则属于功能性演员，之前特地到上海，跟谢霆锋拍咗一日戏。