孫慧雪6歲大仔持續發燒逾40度超過一周感染一病入院四日未可出院

2023-11-26 21:30

現年41歲的孫慧雪2016年嫁木材、夾板批發商富二代羅天彥（Edwin Lo），翌年誕下大仔「水哥」羅駿滐（Riley），今年7月細仔「肉肉哥」Rian出世，組四口之家非常幸福。孫慧雪日前忽然在社交網的限時動態透露6歲的大仔Riley入院消息，還表示兒子好乖：「Riley真係好乖，自己入咗醫院，唔舒服都仲𠱁細佬，第一次入院，媽媽真係好心痛」。

【點擊睇孫慧雪大仔病情】：

孫慧雪於2017年為老公誕下大仔Riley。

孫慧雪的大仔Riley已經6歲。

孫慧雪今年再誕細仔，組成四口之家。

Riley自小好可愛。

Riley十足「男版小丸子」。

Riley好活潑。

Riley越大越似爸爸。

孫慧雪的大仔感染腺病毒。

孫慧雪的大仔已經留醫4日。

孫慧雪的大仔Riley發燒高達攝氏40.4度。

孫慧雪的大仔人在醫院仍掛住弟弟。

孫慧雪對囝囝入醫院表示心痛。

孫慧雪交代大仔的情況。

圈中好友向孫慧雪送上慰問。

孫慧雪的大仔Riley就讀提供「一條龍」IB課程（International Baccalaureate）的國際學校。

Riley上課只有英普，故孫慧雪特意為囝囝報讀中文補習班，學好廣東話。

孫慧雪為Riley報不同的興趣班。

Riley學樂器。

Riley學跆拳道。

孫慧雪與老公更帶同囝囝Riley去做義工。

到今日（26日）孫慧雪再發帖文，交代兒子的情況，她表示囝囝感染腺病毒，情況暫時穩定，但未可以出院，照片中亦見Riley常神不錯，對住鏡頭笑容滿臉外，又行得走得，只是體溫仍保持攝氏40.4的發燒狀態。孫慧雪留言：「大家放心，Riley嘅情況暫時都ok，不過仲未可以出院，佢感染嘅係腺病毒，最初情況係，喺上星期六朝早，本來參加緊童軍活動，佢突然有少少面青口唇白，然後同我講佢肚痛，跟住我就帶佢返屋企瞓咗一陣，起身佢依然覺得唔舒服，無胃口仲想嘔，跟住就就帶佢去睇醫生，因為有少少感冒症狀+肚痛，2種症狀以上，所以醫生即刻判斷出佢係病毒感染，不過當時未知係邊一種病毒，就叮囑我哋要留意佢返到屋企會唔會發燒，亦開咗好多藥俾我哋，叫我哋留意小朋友如果出現邊種症狀，就用邊種藥！」

孫慧雪圈中好友慰問

孫慧雪表示因為兒子發燒，體溫又時高時低，到第三日更突然發冷不退燒，最後決定送囝囝去醫院：「當晚佢就開始發燒啦，我哋一路好準時咁俾退燒藥佢食，高燒、低燒藥都有輪流俾，但係佢嘅溫度仍然時高時低，如果係平時嘅感冒發燒，Riley一日就會好返，平時嘅佢亦都唔容易病，但今次我哋都覺得好奇怪，連續幾日都繼續發燒。」

孫慧雪續指：「到咗第三日，佢突然發冷，高燒唔退，我哋就即刻送咗佢去醫院，醫生一見到佢，就判斷出佢係腺病毒，要即刻安排入院，化驗嘅結果亦顯示佢真係中咗腺病毒，呢隻病毒傳染性極高，酒精殺唔死，如果中咗，病期亦都好長，亦會反覆感染！入院嗰晚佢燒到40.4度，真係好彩我哋有送佢入醫院，醫生安排佢吊鹽水，打點滴，入面有抗生素，仲定時俾退燒藥佢，今日已經係住院嘅第四日啦！精神好咗好多，但係都會突然又燒返！所以仲未可以出院！如果小朋友發燒幾日都未好，家長們真係要留神呀！」趙希洛與同樣有小朋友的洪永城、林子善、楊洛婷都向孫慧雪送上慰問，祝Riley早日康復。