孫慧雪6歲大仔功課遭嚴師批改惹議貼執着練字片反擊Riley被指懶惰

2023-10-07 14:10

現年41歲的孫慧雪2016年嫁木材、夾板批發商富二代羅天彥（Edwin Lo），翌年誕下大仔「水哥」羅駿滐（Riley），今年7月底再誕9磅重的二仔「肉肉哥」Rian。孫慧雪不時於社交網分享親子日常，日前她貼出6歲囝囝Riley的中文功課照，結果引起網民熱議。

【相關閱讀】：孫慧雪生第二胎大犧牲產後視力急速衰退有婦科病大風險懷孕期間突失聽力

【點擊睇Riley功課】：

孫慧雪愛錫囝囝Riley。

Riley自小好可愛。

Riley十足「男版小丸子」。

Riley越大越似爸爸，兩父子十足餅印。

孫慧雪日前於Facebook上載三張6歲囝囝Riley的補習社中文功課照。

孫慧雪說：「現今教學對小朋友嘅寫字要求認真嚴謹，個『在』字錯，連『。』都錯。」

Riley寫的「在」字疑其中一棟因駁筆被老師圈起兼扣分。

Riley寫的句號亦被圈起，疑因翻筆多轉了一圈而被當作寫錯。

對此不少網民都覺得現時寫字過份執着，認為老師太嚴格會降低小朋友學習興趣。

孫慧雪亦擔心要求過高或會令小朋友矯枉過正。

對於網民指Riley因懶不想重改而補筆，孫慧雪再上載一條囝囝練字片反擊。

孫慧雪指囝囝補筆真相是因「太唔懶惰」！

片中Riley因不滿自己的字而多次扁嘴。

Riley不停補筆，希望做到盡善盡美。

不過Riley依然不滿意。

Riley一度難過地趴在媽咪大腿上。

Riley重複表示：「（寫得）唔靚呀。」

不少網民都力撐孫慧雪做法。

孫慧雪大仔Riley就讀一間提供「一條龍」IB課程（International Baccalaureate）的國際學校。

Riley上課只有英普，故孫慧雪特意為囝囝報讀中文補習班，旨在學好廣東話。

孫慧雪亦為Riley報不同的興趣班。

Riley學樂器。

Riley學跆拳道。

孫慧雪與老公更帶同囝囝Riley去做義工。

Riley好活潑。

孫慧雪大仔Riley就讀一間提供「一條龍」IB課程（International Baccalaureate）的國際學校，由於上課只有英普，故她特意為囝囝報讀中文補習班，純粹旨在學好廣東話，沒料到補習班老師竟「矯枉過正」。她於Facebook上載三張補習卷，並寫道：「現今教學對小朋友嘅寫字要求認真嚴謹，個『在』字錯，連『。』都錯。」相中．驟眼看Riley寫下的句子並無錯字，未料竟被老師圈起「在」字及句號，似乎是「在」字其中一棟疑駁筆，句號則似乎翻筆多轉了一圈。

對此不少父母身同感受，留言表示現時寫字過份執着：「太嚴格了」、「人生好難，我明……真係明」、「其實好打擊自信心，會影響學習興趣」、「讀到啲學生有焦慮症」、「可能老師想要一部printer」等，但亦有網民認為從小培養寫字習慣也是好事，孫慧雪則謂：「佢讀緊嘅學校可能行IB，係要求佢唔好咁執着啲筆劃，唔啱唔使擦直接用筆搽（刪）咗佢，再寫隔離，等小朋友更有興趣寫字同學習，亦會唔怕錯更勇敢表達！而佢喺補習班，知道要求好高，所以先會重複個筆畫，背後動機其實係想寫好啲，我自己認為，呢個時候仲圈佢，會減少小朋友學習動機，亦會教到個小朋友都矯枉過正，所以佢成日都會用紅筆，圈我啲字，細個啲嗰陣，見街上面啲招牌，用咗唔同書法嘅時候，佢會問人地係咪寫錯（只屬個人意見！）不過可能補習班想佢返學做好啲啦！」

【點擊睇孫慧雪親子照】：

其實孫慧雪在入行前擔任記者，已經常獲當時的編輯垂青有上鏡的機會。

孫慧雪一入TVB就做被安排到綜藝部。

直到2009年，孫慧雪終於都有機會飾演一些有名字的角色，但依然是以閒角為主。

孫慧雪自爆最深印象是自己經常要扮死屍，其中在《秀才遇上兵》中要長期扮一具死屍。

直到《On Call 36小時》，阿雪終於有一個較為重要的角色，是專在茶水間講是非的「碌拎」。

直到到2016年，《純熟意外》，孫慧雪終於一嘗女配角滋味。

孫慧雪於2016年與富二代羅天彥（Edwin Lo）結婚。

二人婚後一年即誕下兒子 Riley，一家三口不時就會在IG放閃。

2019年，孫慧雪推出了她人生第一本寫真集。

年過40依然Keep得好好。

孫慧雪在1月報喜，宣布陀第二胎。

孫慧雪晒巨肚相，連腳趾都睇唔到！

孫慧雪堅持餵人奶原來是有丈夫的支持，因為根據上次經驗BB吃人奶的抵抗力較好。

得天獨厚的孫慧雪似乎手腳都未有變到好粗壯。

囝囝好Sweet咁錫錫肚皮。

孖大仔公布第二胎BB性別。

今年7月底再誕9磅重的二仔「肉肉哥」Rian。

一家三口變成一四口。

孫慧雪全身都是肉。

肥嘟嘟好得意。

大仔好錫細佬。

對於網民指Riley因懶不想重改而補筆，昨日（6）日孫慧雪再撰長文澄清，並附上一條影片作證，指囝囝補筆真相是因「太唔懶惰」，她說：「佢對自己要求好高，每次寫字唔滿意就會補筆，同伏低喊，仲要擦10幾次，改到自己覺得滿意為止，我都明白要改一改㗎啦，（雖然有同學仔嘅媽咪話好羨慕佢呢個性格唔求其）結果佢學校嘅老師，要求見我，想我勸吓佢，唔好咁執着去寫每一個字，因為佢返學都會咁！所以我會特別擔心佢俾人圈！同埋我自己都有叫佢唔需要改呀，係因為針對佢個人太執着而言！」並謂明白老師嚴謹是為學生好，望較疏忽的學生能做得更好，但Riley性格較執着才勸他不要改。

至於為何送囝囝去補習班？孫慧雪解釋：「因為佢本身間學校係冇廣東話學㗎，雖然我平日會同佢講廣東話，但廣東話嘅語體文讀音，佢冇乜機會接觸，而呢間補習社喺教導中文基礎係教得好好，所以我就安排咗佢去讀啦！我自己都冇懶惰㗎，都有同佢讀故事書㗎！」