35歲梁洛施承認全面復出！曝光三子反應：都唔想見到我孤伶伶一個
2023-11-25 12:05 
梁洛施、倪晨曦、林愷鈴及譚旻萱等昨晚（24日）到尖沙咀出席聖誕活動暨亮燈儀式，由於現場非常大風，梁洛施更被吹到流眼水，梁洛施受訪時笑言感覺到眼淚一直在飄。梁洛施指因新戲《爆裂點》即將上映，所以聖誕將不會外遊，又謂若囝囝能入場也會帶他們看自己演出，因為平常有跟他們分享工作，所以他們亦很期待：「大個仔都鍾意睇呢啲，佢哋之前都睇過我嘅戲，例如《蟲不知》、《伊莎貝拉》，不過佢哋鍾意睇打打殺殺，可能覺得有動感同有型，佢哋覺得我應該做cat woman角色。」
【相關閱讀】：35歲梁洛施因一事谷到面部脹紅！罕有於家鄉高調出巡 無懼驚人食相曝光
【點擊睇梁洛施活動靚相】：
梁洛施又指囝囝現時13、14歲，他們都喜歡與朋友在一起，所以亦鼓勵她工作，令她很感動：「佢哋話你都係做返嘢，如果唔係到時眨吓眼讀完書又出嚟做嘢，都唔想見到我孤伶伶一個。」梁洛施承認全面復出，更指現時狀況是「開盡Turbo」工作，稍後將會拍攝廣告及拍新戲，問到之前一直專注家庭的她全面復出會否不習慣？她笑說：「我好捱得、好曬得，之前拍《爆裂點》要曬黑，我去咗曬10幾組燈，一星期曬3-4次搞到曬傷。」梁洛施笑指囝囝比較喜歡她曬黑，因為覺得她平常膚色白到反光，覺得黑點比較有陽光氣息。
倪晨曦讚李英愛好Nice
剛從韓國返港的倪晨曦透露最近去了韓國和法國工作，但因為每日的工作時間也很長，所以返港後睡了幾天「補數」，對於今次韓國行見到偶像李英愛，倪晨曦提起即表現非常興奮，大讚對方好Nice也保養得很好，又謂事前沒想到甫入場就已見到對方，已忍不住向對方揮方，而李英愛亦有揮手回應，看到她旁邊有位置亦趁機坐在她身旁：「我有同佢傾兩句，話睇過佢嘅劇同好鍾意佢，我係咁望住佢，跟住同佢講你真係好靚！（有冇嚇親佢？）可能佢會有少少奇怪，跟住我有介紹自己，都同佢握手，問佢可唔可以影相佢都話可以，好開心，見到偶像係會激動啲。（有冇同佢講想同佢合作？）咁又唔夠膽。」
提到聖誕節，她指到時將會放假，但因細仔只有一歲，仍未能帶他返加拿大，所以將會留港，而大仔亦已告訴她想要什麼玩具做聖誕禮物，雖然她將會買，但亦開出很多條件，更要他寫信給聖誕老人：「佢記住咗，跟住問我幾時寫呢封信，我都會幫佢寫，但就寫晒啲條件喺上面。」
【點擊睇梁洛施大仔】：
林愷鈴即將進軍樂壇
林愷鈴透露聖誕將會在工作中度過，即將進軍樂壇的她指最主要的是錄歌，推出自己歌曲，而當中最開心的是有製作人看到她社交網上的作品後覺得適合，所以會用她的歌去做其劇集的主題曲，令她覺得很夢幻。問到進軍樂壇後會否減少其他方面工作？她說：「對我嚟講唱歌同做戲好似一塊田咁，耕完一樣耕第二樣，咁樣會令到田嘅養份更好，如果有好的機會也會做。」
提到她有份演出的劇集《冰上火花》昨晚大結局，林愷鈴大感不捨，也很感謝觀眾對她較黑化角色的包容，問到最難忘的是否跟Ian嘴戲？她坦承是：「嗰埸嘴戲當然有排，大家都有傾可以做乜同唔可以做乜，但因為性質係衝動嘅錫，所以現場都好憑感覺。」她又大讚Ian非常溫柔及有分寸。至於是否能接受更大尺度？林愷鈴指不是她首要考慮的問題，自己會較在意角色是否能發揮，而媽媽也沒有特別提醒她不要拍什麼戲。
【其他文章】：
冰上火花丨林愷鈴錫柯煒林唔怕楊天宇呷醋 張芷澄慶幸Cut嘴戲唔使錫Ian
35歲梁洛施健身素顏樣曝光！纖幼雙臂舉啞鈴 皮膚緊緻紅粉緋緋
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應