79歲尹光讚「競爭對手」姜濤唱歌好聽 年齡突然激增幾歲：以前身份證報細
2023-11-25 11:45 
近期人氣急升的79歲尹光（光B）昨晚（24日）以嘉賓身份到維圍進行表演，尹光甫現身已引來觀眾狂叫，之後尹光更叫觀眾一起叫「光B」，又感謝大家在叱咤投票，之後連唱出3首歌《數波波》、《掂呀》及《Dear Myself》，唱完後歌迷更不斷狂叫Encore。
【相關閱讀】：叱咤頒獎禮2023｜尹光殺入「我最喜愛男歌手」最後5強 張敬軒歌迷奇招拉票
【點擊睇尹光到維圍進行表演】：
尹光對今次與張敬軒、盧瀚霆、姜濤及陳卓賢一起殺入「我最喜愛的男歌手」5強，他表示好開心，事前亦完全沒想到，問他可有信心登頂？他說：「唔敢諗，隨緣，得失冇所謂，唔係最重要，依家79歲，就快80歲，最緊要身體健康，（啲人話你74歲）以前身份證報細幾歲。」尹光又指因對手很強，所以仍沒有準備戰衣。
尹光指自己才要跟姜濤學習
提到姜濤受訪時指要跟尹光學習，他即反過來指自己才要跟姜濤學習：「佢首《Dear My Friend》我聽咗好多次，真係唱得好好聽，我又年長，把聲又沙啲，梗係冇佢哋唱得咁好聽。」問到若到時真的得奬，會否請姜濤與林家謙一起上台分享喜悅，尹光就表示一定會，因為全靠他們兩人：「因為AI由《Dear Amy Friend, 》、《一人之境》用我尹光嘅聲去模仿。」除了姜濤和林家謙外，尹光更指會叫張敬軒一起上台，因自己與軒公是好友，又大讚很久之前已覺得他的聲音很好很有前途：「我都想學張敬軒啲歌，但唱唔到咁高音，又啲又好低音，辛苦都要㨂一隻練，我鍾意佢嘅《隱形遊樂場》、《俏郞君》，我都睇好佢攞，（一人一個男歌手奬？）望係咁望，但唔係咁易望。」
【其他文章】：
叱吒頒獎禮2023丨尹光走勢強勁成功躋身7強 AK Jer兩鏡仔孖林家謙被踢出局
叱咤頒獎禮2023丨姜糖疑於港鐵站外「區議員式」拉票 姜濤恐再失最愛男歌手寶座被尹光奪位？
尹光打入叱咤十強挑機半隊MIRROR 預告參加頒獎禮：入到五強都偷笑
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應