雯雯反擊老公借錢去私院生仔論！自揭生B靠家人找數 張致恒懶理炮轟繼續「搲着數」？
2023-11-22 21:00 
有「離婚KOL」之稱的張致恒（Steven）與區燕雯（雯雯）結婚四年抱四，不過雯雯多次公開炮轟老公張致恒又懶又廢，甚至自爆一家陷入經濟困境，屢次傳出婚變的雯雯，在本月初再次嗌離婚，甚至聲稱將4名兒子的去向交由社工和相關人士決定！目前在情趣用品店打工的張致恒，昨日（21日）又爆出與fans有錢銀轇轕，聲稱當年張致恒曾向這fans借錢，原因是因為老婆要去私家醫院生仔，今日（22日）雯雯再對老公開火！
【相關閱讀】：張致恒網上推銷情趣用品爆罵戰 稱無錢開飯反遭前粉絲控訴扮可憐多次借錢
【點擊睇雯雯又怒轟張致恒】：
雯雯今日（22日）在IG限時動態踢爆老公講大話：「第一次私家醫院生仔，佢未出事，出院條數係我屋企人找；第二次私家醫院生仔，條數一樣係我屋企找；第三次政府醫院生仔，出院幾百蚊，佢一樣冇，都係我屋企人找；第四次政府醫院生仔，幾百蚊，係我生之前留起咗錢，自己找嘅。我係唔會再受呢啲委屈，唔該佢要借錢生活，的確係為屋企，但係唔好將所有嘢推落我度，冇人睇小朋友，我要照顧，出唔到去搵錢，我已經諗盡所有嘅方法，可以有照顧到小朋友又搵到錢，屋企嘅生活費。去到今時今日我都係有份付出去搵，無知嘅人淨係識得鬧，亦都有人淨係覺得佢為咗屋企已經付出好多？麻煩大家叫佢企出嚟真真正正同大家講所有事情嘅事實，先好去鬧我！」
【點擊睇張致恒夫婦婚變日常】：
【其他文章】：
其後雯雯又再出PO，她說：「最後，生唔生小朋友，已經同佢係一個值唔值得嘅男人冇關係，最重要係，我會喺之後嘅路努力照顧好佢4個。」張致恒採取一貫不回應的作風，反而貼上一張大閘蟹的相片，言談間「賣慘」地說：「都唔知幾多年冇食過大閘蟹，好食到黐線！」接着再「搲着數」：「我都好鍾意食三文魚㗎！」
事緣張致恒日前在社交網出Pos推介情趣用品，有網民留言直斥張致恒作為公眾人物，公然叫人買性玩具，「有無諗過會影響小朋友？」結果張致恒嬲爆反擊，接着有另一聲稱是fans的網民留言爆出錢銀轇轕：「其實講咁多做咩？？你哋直接幫佢買嘢，然後等佢可以直接到達業績就可以啦？！我曾經當呢個人係偶像，但佢連fans都唔放過一次又一次咁問我借錢，原因就係因為老婆要去私家生仔。你問下佢記唔記得我係邊個呀！搞到今時今日咁，係邊個造成？！曾經接濟過佢幾多次，對佢失望過幾多次。你哋會明真心當佢係偶像，對佢好，然後換嚟傷害嗰種感受嘛？！佢有無同粉絲道歉呀！？一句都無呀？依家扮晒可憐。」張致恒同樣採取零反應。
【其他文章】：
愛回家丨三太神還原「蚊蚊」直播爆家事吸粉 張致恒老婆又嗌離婚兼放棄四個仔
雯雯「你問我答」霸氣親解鬧離婚仍造人 張致恒否認性上癮被問偷食原因
張致恒四仔滿月！一家六口齊慶祝 蛋糕疑有贊助夫妻齊賣廣告搵真銀
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應