官恩娜5歲女獲男教練教體操擔心遭非禮？詢問一設備被指神經過敏：不幸事常發生
2023-11-08 18:30 
44歲官恩娜（Ella）與中法混血醫生男友Juan-Domingo Maurellet結婚並育有一子一女，建立了幸福家庭後，官恩娜淡出幕前專心相夫教子。近日官恩娜現身社交平台，分享自己婚後生活，今日（8日）在IG連環出PO，因為5歲女兒學體操，教室有否閉路電視一事，惹來網民熱烈討論。
【相關閱讀】：44歲官恩娜低胸Bra top大晒火辣身材 親子遊台北5歲細女普通話標準過媽咪
【點擊睇官恩娜家庭照】：
自從組織了家庭後，官恩娜不惜放棄演藝事業而專心照顧一對仔女，官恩娜今日（8日）在限時動態出PO，但今次並非貼旅行靚相，而是轉貼一篇一名有戀童癖的男子，在社區中心擔任義務導師，因上課時狎童而判囚兩年，同時揭發這男子早年亦曾以「義教」為名非禮女童的報道，官恩娜留言道：「每次見到呢啲新聞都好難受！我們有需要好好 #保護兒童！」接着官恩娜再出PO，分享了女兒學體操的一個憂慮，想不到竟然引起網民討論。
官恩娜問教室有否閉路電視
官恩娜說：「我個女之前學體操，係一個男教練，所有小朋友都要着好似泳衣嘅體操服，班裏面全部都係三至五歲嘅細路女，上課嘅時候家長唔可以入去，亦睇唔到裏面嘅情況，只係有一個男教練喺裏面。我打電話詢問教室裏面有冇閉路電視。」官恩娜續說：「聽我電話嗰個女人話我太緊張，一定唔會有呢啲事發生，話我神經過敏，想問呢啲事發生之前有冇人會預知呢？做媽媽保護好自己嘅小朋友就係神經過敏？最後確認課室裏面係冇閉路電視嘅，但係嗰個女人都堅持我係太擔心同神經過敏，拋低一句：咁驚唔好學囉！」
【點擊睇官恩娜靚相】：
官恩娜再三為自己的憂慮解釋：「唔好誤會，我絕對唔係話嗰個男老師都有問題散播恐慌，我只係想話畀大家聽，呢啲不幸嘅事情，成日都發生，點解大家唔可以提高啲Awareness，避免任何一個小朋友受到傷害，因為一個都嫌多！」最後官恩娜都有問大家：「請問所有受害人嘅父母送小朋友去補習社...興趣班etc...，之前會唔會諗到會有啲事發生呢？如果佢哋打電話去詢問有冇閉路電視可能得到嘅答案都同我一樣...」
官恩娜獲網民力撐並非多此一舉
事件惹來不少網民留言，有人覺得官恩娜的舉動多此一舉，不過亦有人力撐：「唔好剩係講到性侵，虐兒都唔少啦，如果係做體操時失手發生意外呢，咁有CCTV保障返教練同小朋友唔好咩，我撐Ella!」、「咁做別人口中的麻煩亞媽，好過個女有事呀！」、「唔好去嗰間學，一啲保護兒童意識都無。開幼兒班，但透明度又咁低，出面又睇唔到入面發生咩事，入面只得一個成年人，一陣又咩事真係邊個知？基本保障都俾唔到學生，仲要受氣。咁點解要去嗰度學呢？」官恩娜亦解釋稱：「我係希望有閉路電視保障返雙方嘅安全同權利，唔係怕有閉路電視睇蝕我個女。」
【其他文章】：
44歲官恩娜近照勝同框女神？網民激讚零走樣 嫁混血醫生淡出家庭美滿
44歲官恩娜罕晒白滑美腿！一家四口返法國度假 老公一拖二湊仔女上機
官恩娜「拋夫棄子」獨遊布拉格私會密友 酒店床前超索浴袍Look引人遐想
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應