52歲黎姿伯樂竟是管理員？影圈猛人談力捧原因 出道作原來是「執二攤」
2023-11-08 17:30 
現年52歲的黎姿（現名馬黎珈而、Gi Gi）在2008年宣佈退出娛樂圈後，同年與富豪馬廷強結婚，婚後先後育有三個女兒，黎姿一方面照顧家庭，另一方面為胞弟黎嬰打理美容生意，從一線花旦變成「最靚CEO」。黎姿日前在社交平台貼上一段訪問短片，她有感而發地說：「剛收到朋友send畀我的影片，不經不覺，原來我自小在娛樂圈拍戲已超過30年了。」
【相關閱讀】：黎姿52歲生日夫妻甜笑放閃！13歲女就快高過媽媽 15字覆曾傳不和女星揭真實關係
【點擊睇黎姿出道相】：
黎姿出身演藝世家，祖父黎民偉是香港電影之父，祖母林楚楚是香港第一代電影女星，姑媽及堂姑媽則分別是資深演員黎宣和黎灼灼，當年只有14歲的黎姿，有傳因到健身會探望在該處打工的父親，因而被許冠傑睇中，將她介紹到新藝城試鏡，安排參演電影《開心鬼放暑假》，拍攝完成後，黃百鳴隨即與黎姿簽約，正式展開演藝生涯。黎姿日前在社交平台貼上一段訪問短片，正是黃百鳴在節目上，以說故事方式回憶當年只有14歲的黎姿，如何從一位小女孩而成為家喻戶曉的大明星。
黃百鳴被黎姿演出吸引簽做藝人
在短片中，黃百鳴還原了黎姿入行的經過，原來在黎姿的13歲的時候，當黃百鳴做健身時，有一個管理員給了一張相給他：「佢話呢個係我個女，可唔可以畀個機會佢做戲？我一睇，相中人只不過係13歲嘅小女孩，我不以意就擺咗落袋。」接着到開拍電影《開心鬼放暑假》，同場有不少女學生，當時攝影師向黃百鳴表示，有一位女學生演出很落力，結果黃百鳴一望：「原來呢個女仔就係當時只有13歲的小女孩，真係令我有好深印象，跟住到綵排ending戲，因為有一個女仔缺席，於是搵咗呢個小女孩頂上，結果排舞師又係讚不絕口。」後來黃百鳴與這小女孩簽約，安排她擔正演出電影《飛躍羚羊》，這個小女孩正是黎姿。
【點擊睇黎姿昔日照】：
百鳴借黎姿的經歷鼓勵年青人，他說：「黎姿當日都係由二打六角色，但係佢冇放棄，終於有好嘅成績，所以各位年輕人，唔好擔心冇發揮嘅崗位，只要肯努力，一定會遇到欣賞你嘅伯樂。」黎姿看完短片後，有感而發地留言：「剛收到朋友send畀我的影片，不經不覺，原來我自小在娛樂圈拍戲已超過30年了。在我的人生旅途，無論境遇如何，都會珍惜每一個機會，盡力做好每一刻的自己，相信美好的事情一定會出現，謝謝黃百鳴先生的提攜。」
【其他文章】：
51歲黎姿罕有談家人 為車禍胞弟放棄演藝事業 祖父黎民偉乃香港電影之父
黎姿罕談與老公相識經過 相交多年因呢種原因認定係可托終身嘅人
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應