獨家丨Zpecial康聰有微辣女友Yelo陪佢癲 為Po IG吸Like超市玩瞓地

樂隊Zpecial近月出鏡多咗，日前有得同家燕姐及陳柏宇出席「世界心臟日」活動，主音康聰又為《Chill Club 推介》做主持，不過要吸粉唔可以太被動，都要靠自己營運社交平台，康聰個IG有1萬個Followers，係少嘅但Fans要儲，所以佢好努力拍片放上IG，努力程度係喺超市搞搞震，推住購物車又跳又盛，仲要瞓埋地，呢啲動作好難自拍，好彩微辣女友Yelo(黃曉晴)肯操刀影相，有人肯陪自己癲係世界上最幸福嘅事。採訪:金泰亨

康聰同著超短裙嘅女友喺超市搵位拍片。

拍片前試吓位先。

Zpecial昨日都有出席叱咤記招。

康聰之前上《晚吹－讓我一次買個夠》講擇偶，佢話鍾意壞壞哋嘅女仔，咦，唔知YELO有幾壞呢?

翻查資料Zpecial於2009年已經組成，2018年再重組，《深夜告別練習》好多人識唱，去年簽約華納，由蚊型製作跳入大公司，前途一片光明。不過上新聞資料庫搜尋Zpecial，近半年完全冇佢哋嘅新聞，睇嚟要再努力啲嘞。

《深夜告別練習》好多人識唱。

之前出席「世界心臟日」活動。

辛苦晒女友
日前周六傍晚，喺IFC嘅超市見到著住格仔恤衫嘅康聰，因為染咗金髮又幾靚仔，所以一眼就認到佢，見佢推住架購物車動作多多，似嚟玩多過買嘢，再望多兩眼，身旁仲有著緊身連身短裙嘅長髮靚女，咦，咪微辣嘅Yelo，原來兩人拍緊拖，不過，呢對情侶唔係甜住行超市，反而係借超市個景拍片，主角係康聰，攝影師係Yelo，為配合男友要求，細細粒嘅Yelo要多角度拍攝，有時側拍有時「趷高腳」拍，喺超市遊足成粒鐘，認真辛苦晒。有關超市玩嘢片已放上IG，原來搞咁多嘢係想配合Dua Lipa《Levitating (feat。 DaBaby)》嘅歌詞，都幾得意幾有心思嘅。另外，補充返，兩人現身超市前去完長洲拍拖，女方IG有靚相睇，康聰影相都幾識攞角度喎。

康聰擺晒甫士，記者當時心諗有咩好影呢?

YELO多角度咁影。

Yelo「趷高腳」影，一啲都唔Hea。

 

【超市搞搞震逐格睇】：

 

康聰已將短片放上IG。

睇佢幾有戲。

跳起YEAH。

影到瞓晒喺地。

真係夾晒歌詞勁認真。

 

【康聰鏡頭下的YELO】：

 

取景地係長洲東灣泳灘，康聰拍攝嘅Yelo幾靚。

好日系FEEL。

張相意境好高。

 

豪Dee與拍擋Yelo曾經是幕前情侶。

細細粒嘅Yelo都幾好身材。

YELO有經營YouTube,不過已有七個月冇更新。

《星島頭條》新網站有更多精彩內容：http://www.stheadline.com/