独家丨Zpecial康聪有微辣女友Yelo陪佢癫 为Po IG吸Like超市玩瞓地

乐队Zpecial近月出镜多咗，日前有得同家燕姐及陈柏宇出席「世界心脏日」活动，主音康聪又为《Chill Club 推介》做主持，不过要吸粉唔可以太被动，都要靠自己营运社交平台，康聪个IG有1万个Followers，系少嘅但Fans要储，所以佢好努力拍片放上IG，努力程度系喺超市搞搞震，推住购物车又跳又盛，仲要瞓埋地，呢啲动作好难自拍，好彩微辣女友Yelo(黄晓晴)肯操刀影相，有人肯陪自己癫系世界上最幸福嘅事。采访:金泰亨

康聪同著超短裙嘅女友喺超市搵位拍片。

拍片前试吓位先。

Zpecial昨日都有出席叱咤记招。

康聪之前上《晚吹－让我一次买个够》讲择偶，佢话锺意坏坏哋嘅女仔，咦，唔知YELO有几坏呢?

翻查资料Zpecial于2009年已经组成，2018年再重组，《深夜告别练习》好多人识唱，去年签约华纳，由蚊型制作跳入大公司，前途一片光明。不过上新闻资料库搜寻Zpecial，近半年完全冇佢哋嘅新闻，睇嚟要再努力啲嘞。

《深夜告别练习》好多人识唱。

之前出席「世界心脏日」活动。

辛苦晒女友
日前周六傍晚，喺IFC嘅超市见到著住格仔恤衫嘅康聪，因为染咗金发又几靓仔，所以一眼就认到佢，见佢推住架购物车动作多多，似嚟玩多过买嘢，再望多两眼，身旁仲有著紧身连身短裙嘅长发靓女，咦，咪微辣嘅Yelo，原来两人拍紧拖，不过，呢对情侣唔系甜住行超市，反而系借超市个景拍片，主角系康聪，摄影师系Yelo，为配合男友要求，细细粒嘅Yelo要多角度拍摄，有时侧拍有时「趷高脚」拍，喺超市游足成粒钟，认真辛苦晒。有关超市玩嘢片已放上IG，原来搞咁多嘢系想配合Dua Lipa《Levitating (feat。 DaBaby)》嘅歌词，都几得意几有心思嘅。另外，补充返，两人现身超市前去完长洲拍拖，女方IG有靓相睇，康聪影相都几识攞角度喎。

康聪摆晒甫士，记者当时心谂有咩好影呢?

YELO多角度咁影。

Yelo「趷高脚」影，一啲都唔Hea。

 

【超市搞搞震逐格睇】：

 

康聪已将短片放上IG。

睇佢几有戏。

跳起YEAH。

影到瞓晒喺地。

真系夹晒歌词劲认真。

 

【康聪镜头下的YELO】：

 

取景地系长洲东湾泳滩，康聪拍摄嘅Yelo几靓。

好日系FEEL。

张相意境好高。

 

豪Dee与拍挡Yelo曾经是幕前情侣。

细细粒嘅Yelo都几好身材。

YELO有经营YouTube,不过已有七个月冇更新。

《星岛头条》新网站有更多精彩内容：http://www.stheadline.com/