闖病房爭樓 六旬逆子兇九旬病母：唔寫我名送你去老人院 網民嬲爆鬧廢人｜Juicy叮
2023-11-02 12:54 
爭產，一直都是家庭關係的死結。有市民近日在離島一醫院目睹逆子爭產一幕，指一名六旬漢闖入病房，企圖強迫90歲病母改平安紙，將層樓全寫給他，否則不讓母親回家，直送老人院，結果......
網民對此情此景莫不搖頭嘆息，感慨「久病床前無孝子，親生仔不如近身錢真係冇錯」，並怒斥逆子「60歲仲嘈老母層樓，一世廢人」，重申「生舊叉燒好過」。
樓主早前在網上「香港討論區」以「忤逆仔大鬧離島某醫院病房，結果被母叫護士把他趕走」為題發表所見所聞，全文見下圖↓↓↓↓
逆子大鬧病房爭樓情景逐張睇↓↓↓↓
網民：久病床前無孝子
有回應的網民看得肉緊，指「如果我係呢個婆婆，就會將層樓賣咗出去揸住筆錢去住啲富貴老人院，點都夠養老啦，唔使畀個忤逆仔要脅，同埋等個忤逆仔無地方住，睇佢點死」、「係呀，去住啲富貴老人院，或者逆按揭」，但有人清醒地提醒「富貴老人院你估平㗎，一個月幾萬，除非短命或者層樓好值錢」。
網民搖頭嘆息回應↓↓↓↓
另有網民感慨「久病床前無孝子，親生仔不如近身錢真係冇錯」、「新聞都報唔少佢哋忤逆嘅事，打死都唔好改平安紙，近身錢比親生仔更親」，並指「以為係十幾廿歲，原來都六十」、「六十歲仲嘈老母層樓，一世廢人」，強調「資產係個老母，平安紙亦係老母決定，做仔女嘅只可尊重，不可要求更改」。
網民其他見聞：兩老去完旅行 層樓畀人賣埋
網民續罵「真係忤逆仔」、「生舊叉燒好過」、「佢咁樣對阿媽，將來佢啲仔女都會用同一方式對待佢」、「如果係對阿媽好使鬼叫阿媽改平安紙咩，阿媽點都會留番間屋畀佢啦，使鬼立遺囑」、「依家未改名都可以威脅阿媽，話送佢去安老院，改咗就更加唔會理佢」、「樓價跌七成可減少呢啲事」。
另有人自爆其他見聞，指「我隔離屋老人家講明過身後樓錢會捐晒出去，結果4仔女及孫兒影都無」、「重X街啲都見過，兩老人家去完旅行，層樓畀人賣埋，返到嚟報警又搵唔到人」。
網民搖頭嘆息回應↓↓↓↓
網民：清官難審家庭事
不過，一家唔知一家事，有網民提醒「家家有本難諗的經，清官難審家庭事」：
•「家事，外人好難講。有可能，層樓係全費個仔畀，只係借老母名」、
•「公平說，對事不對人，樓主你只係看到事情中間發生的橋段，前因後果你都不知道，外人不能評論，都係嗰句家家有本難念的經」、
•「外人不宜過分感情用事，別人幾十年母子，箇中關係外人無從得知......」、
•「有忤逆仔，亦有為老不尊，嚴重偏見嘅老人家，唔知前因，好難話啱唔啱。但生前使晒佢、食晒佢、捐晒佢，就一定係啱～」。
網民搖頭嘆息回應↓↓↓↓
一家唔知一家事相關新聞：
獨生子謀住兩老層樓 揚言唔留唔裝香 網民眼火爆：父母唔稀罕你枝香
獲父蔭250萬資助買樓唔心足？ 港女眼紅已婚阿哥住父母大屋
老人交代銀行密碼爆爭議 孫女伺候數日無動靜 偷拍片揭後續超心寒......
與父母同住阿哥家姐唔畀家用 獨居港女：黐飲黐食就老馮......
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
最新回應