古天后日誌｜港股回調能守萬七關 11月或展開反彈

10月31日，天晴，日間乾燥，間中風勢清勁。市場對以巴戰事及中東其他地區憂慮有所緩解，市場仍等待周四聯儲局議息，美股連跌三個交易日後反彈，三大指數顯著上升，道指升511點，標指跟納指分別升49點及146點。三大指數升幅均逾1%。雖然加息機會唔大，但議息前10年息仍然走高，不過戰火略為緩和，油價早已反彈無力，VIX回落至19.75，但要回落至17水平以下，美股先叫重返安全地帶。Tesla失守200美元關口，打擊科技股氣氛，Tesla急跌主要係租車公司Hertz放緩其10萬輛電車購置計劃。

美國空軍一直捕位個美股，主要係等緊周三美國財政部新季度發債計劃，有大行估計，隨著美債升至33萬億美元，加上息口高企於5%，明年美國赤字不會低於1.7萬億美元，高赤字意味著財政部需要發行更多國債吸金。美銀估計今個財政年度美國財政部於今年10月至明年9月，10年債發行量將達到1.34萬億美元，較早前預估高出900億美元。發行國債愈多，就會從市場吸走更多資金，影響流動性，不利於美股上升。

阿爺積極救市初步見成效

不過美股估值高偏還高，但相對於其他市場，美企業都算交到功課，美股回得深就會有資金入場撈底，有別於中港股市，外資已幾乎全線退場，絕跡於中港股市。噚日中港股市齊升，深滬兩市成交額回升至過萬億元，場內資金回升，反映阿爺積極救市初步見成效。

至於港股喺期指結算日低開高走，重返17,400點水平，恒指總算重上10日線，成交則回升至924億元，資金面已見改善。不過隔晚ADR卻回軟，睇嚟今日港股又要調整，未能跟隨美股大升步伐，反正依家都係跟A股行多。今日輪到場外結算，要配合噚日結算喺17300水平左右，估計今日都係咁上下，回調至17,200點至17,300點水平，只要能守位噚日低位17,225點，月結後仍有條件再向上挑戰20日線，若17,500點水平阻力。稍後若能企穩10日及20日線，好友11月反攻亦相當合理，畢竟由年初至今，已輸足10個月，年結在即，未能反敗為勝，都唔好輸得太肉酸。

相關文意：

港股市況｜恒指低開68點 「蔚小理」向下 醫藥股回吐 藥明康德跌逾5%

---
星島X理大攜手推動永續發展 「ESG認證計劃暨嘉許禮」2023  把握報名機會 https://bit.ly/45kDhn5

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ