雯雯「你問我答」霸氣親解鬧離婚仍造人張致恒否認性上癮被問偷食原因

2023-10-21 12:30

現年38歲的張致恒（Steven）與粉絲區燕雯（雯雯）2019年奉子成婚，雖然屢傳婚變，女方亦多次公開鬧老公又懶又廢，但二人仍四年抱四。由於一家六口開支甚大，最近兩公婆重施故技開設收費IG帳號，採取月費50元的會員制分享家庭事，惜開戶兩周僅吸40名粉絲，雯雯日前再宣布開設YouTube頻道「Uglymama 雯雯」，與老公合力賺奶粉錢！

【相關閱讀】：張致恒結紮過早錯失政府擬派2萬谷生育網民戥唔抵蝕8萬建議加追溯期

【點擊睇雯雯「你問我答」】：

張致恒與雯雯結婚4年多次鬧離婚。

經常呻窮的雯雯周一（16日）凌晨於IG Story緊急發文！

雯雯表示：「能夠最快賺到錢嘅工作，歡迎搵我」、「急需賺快錢，救命！」

前晚（19日）雯雯宣布開設YouTube頻道「Uglymama 雯雯」。

首條影片「深夜夫妻Q&A」昨晚（20日）終於上架。

雯雯預告第二條片也是「夫妻Q&A」。

雯雯繼續開Post讓網友隨便發問。

截止10月21日下午，其YouTube頻道「Uglymama 雯雯」累積逾740人訂閱。

首條「深夜夫妻Q&A」影片上載13小時，累積超過5,100觀看次數。

兩人並肩而坐回答網友的尖銳問題，雯雯全程盡展霸氣狂寸老公，搞到張致恒不時尷尬頭耷耷，完全唔畀面。

張致恒率先被問有否治好性上癮？他即遊花園反問太太︰「性上癮醫好未呀？你覺得我醫好未？」在對方催促下，他才表示從沒承認性上癮。

被問為何要偷食？張致恒再次詐傻：「係囉，點解要偷食呀？其實有好多人都偷食……」

雯雯則不耐煩叫對方認真答，張致恒尷尬狂笑。

雯雯更寸對方：「而家係問緊你，唔係問緊人哋，你唔好Cut咗佢呀！」張致恒即刻面懵懵。

張致恒毫不猶豫答是被太太「溝」先，結果秒速辣㷫雯雯：「你講多次？」

張致恒見狀即笠水改口：「我追你先。」語畢一臉尷尬，雯雯又突然爆料指對方對Fans麻麻哋，自己做了幾個月的Sun Boy'z粉絲便離開，張致恒則無奈說：「係呀。」

雯雯坦承後悔嫁給張致恒。

雯雯更謂日日都萌生離婚念頭。

此時，張致恒抱住BB說：「離婚……諗吓好喇。」

雯雯黑面說：「咁就要睇你喇。」張致恒再次尷尬扯開話題：「睇你（BB）喇，知唔知呀。」

不過，雯雯表示最初因張致恒靚仔而愛上對方。

最終雯雯補寸對方現在暴肥至300磅，令張致恒大感不滿。

有網民鼓勵兩公婆多拍片，但不少網民都覺得二人答得好求其。

經常呻窮的雯雯周一（16日）凌晨於IG Story緊急發文：「能夠最快賺到錢嘅工作，歡迎搵我」、「急需賺快錢，救命！」直到前晚（19日），她宣布開設YouTube頻道「Uglymama 雯雯」，並開Post讓網友隨便發問，而昨晚（20日）首條影片「深夜夫妻Q&A」終於上架。

片中，兩人並肩而坐回答網友的尖銳問題，雯雯全程盡展霸氣狂寸老公，搞到張致恒不時尷尬頭耷耷，完全唔畀面。張致恒率先被問有否治好性上癮？他即遊花園反問太太︰「性上癮醫好未呀？你覺得我醫好未？（雯雯：我點知呀）哈哈，你對住我你唔知？！」雯雯冷笑稱「唔知」，並催促對方回答問題，張致恒則謂：「我都唔性上癮，何來要醫呢？OK，下一條！」未料雯雯化身「記者」追問：「你唔係自己有性上癮咩？」張致恒瞪大眼表示從沒承認性上癮。

隨後再被問為何要偷食？張致恒再次詐傻：「係囉，點解要偷食呀？其實有好多人都偷食……」雯雯則不耐煩叫對方認真答：「而家係問緊你，唔係問緊人哋，你唔好Cut咗佢呀！」不過講完即掩嘴爆笑，擺明剝定花生等睇好戲，惜最終張致恒沒有正面回應。

【點擊睇張致恒夫婦婚變】：

張致恒與粉絲雯雯在2019年9月簽紙結婚。

張致恒宣布與粉絲雯雯奉子成婚時，他不但另有女友，更同時爆出偷食兼「一腳踏五船」。

張致恒與雯雯育有四名兒子。

張致恒與雯雯結婚4年多次鬧婚變。

雯雯曾公開數臭老公。

雯雯曾出post鬧爆張致恒又懶又廢，對小朋友冇責任心。

雯雯早前鬧爆老公張致恒，更坦言沒錢讓囝囝搭車返學。

雯雯多次發文數臭老公。

同日晚上再鬧爆張致恒「一毫子都冇拎過出嚟」。

更直指是被張致恒逼癲。

張致恒7月初突然更新IG，指有人深夜叫他整湯圓。

原來當時雯雯已懷第4胎。

雯雯上月宣布已順利產子。

雯雯上載BB照片。

雯雯四年抱四，不禁令網民擔心他們經濟上是否能負擔。

上月再度做老竇的張致恒晒抱細仔相。

張致恒早前被發現在銅鑼灣與幾位妙齡少女派安全套。

張致恒宣布會進行結紮手術。

張致恒被網民封為「結紮KOL」。

雯雯早前決定不再公開個人IG內容。

後來雯雯宣布開設新IG帳號，並採取月費50元的會員制。

雯雯清空咗舊IG帳號，最後分享了與兒子身在主題公園的照片。

雯雯再出PO表示，舊IG帳號只作廣告用途，不會更新。

兩公婆相隔兩個月捲土重來，今次再開新收費IG帳號Sell溫情。

張致恒於IG Story發文宣布，新收費IG採取月費50元的會員制度，主要分享家中的日常生活短片。

雯雯於個人IG Story率先透露，四名兒子的生活影片已經有得睇！

當問到最初誰先追求對方？張致恒毫不猶豫答是被太太「溝」，結果秒速辣㷫雯雯：「你講多次？」張致恒見狀即笠水改口：「我追你先。」語畢一臉尷尬，惟雯雯被問及如何由粉絲升呢太太，她明顯十分避忌：「吓？！冇諗過喎，我冇諗過要一齊……」張致恒竟大膽反擊：「哦，所以有四個仔囉。」追問雙方如何認識？雯雯自言做了幾個月的Sun Boy'z粉絲，又突然爆料：「佢（張致恒）對Fans麻麻哋，所以我好快就走咗。」身旁的張致恒惟有無奈說：「係呀。」不過，雯雯表示最初因靚仔而愛上對方。

談到經濟狀況，二人坦言長期都沒錢，張致恒苦笑說：「講你聽都冇用，你又幫我唔到！大部份時間都係（戶口）唔夠一百，撳唔到出嚟，哈哈哈。」雯雯直言也有考慮返工，但謂：「我啱啱先生完，同埋邊個照顧小朋友呀？」此時，張致恒即出言護妻：「其實照顧小朋友係一件幾困難嘅事，我哋都有諗大家一齊出去做嘢，但而家狀況實在唔容許我哋請工人，所以我哋都好努力拚搏緊，希望可以請個工人，解決我哋嘅問題，同埋呢四年嚟佢都係處於懷孕狀態，嚟緊嘅日子編排會好啲。」

為何不滿對方仍不停造人？雯雯死撐：「係好不滿，咁一年裏面總有啲日子關係好少少，而家關係都唔好囉，你肯改咪好囉。」她坦承後悔嫁給對方，更謂日日都萌生離婚念頭，張致恒抱住BB說：「離婚……諗吓好喇。」雯雯黑面說：「咁就要睇你喇。」張致恒再次尷尬扯開話題：「睇你（BB）喇，知唔知呀。」