56歲鄧兆尊直播意外洩疑似婚照暗示偷偷結紮力抗「阿三」逼造人

2023-10-20 13:40

向來有「現代韋小寶」之稱的56歲鄧兆尊，雖然至今仍未婚，但擁有「正印」Carmen、「阿二」車厘子（Cherry）及「阿三」陳小姐，享盡齊人之福。鄧兆尊曾豪言「寧揀不舉也堅持不結婚」，皆因結婚會得罪好多人，惟近日作客YouTube頻道《田豪祖3寶》節目時，直播期間竟洩漏與「阿三」陳小姐的疑似婚照，並大爆遭對方「撳住生」。

【點擊睇鄧兆尊疑似婚照】：

鄧兆尊每次出現都有料爆。

鄧兆尊經常作客YouTube頻道《田豪祖3寶》節目，大爆娛圈秘聞。

鄧兆尊近日作客YouTube頻道《田豪祖3寶》節目時，直播期間意外洩漏與「阿三」陳小姐的疑似婚照。

鄧兆尊大方側頭公開合照，惜並非大家想像的婚紗Look，只是全白造型照。

被主持問到可有被「撳住生」？鄧兆尊即猛點頭說：「有啲嘅有啲嘅，問得好。」

語畢鄧兆尊低頭露出身後「婚照」，暗示曾被「阿三」陳小姐逼造人。

鄧兆尊指幾年前已有這個「壓力」。

鄧兆尊抵死笑道：「啲馬有時都會被逼入閘！你知唔知呀？」

鄧兆尊更暗示已結紮避孕：「自己去家計會暗地裏剪咗佢咪得囉，如果佢話有咗就恭喜晒，你點會有咗？！」

講到1999年國際中華小姐競選期間，有份拍外景的鄧兆尊大爆當年許多佳麗入房找他傾偈。

鄧兆尊指，該屆冠軍葉璇亦有敲門，但謂：「佢係唯一一個唔係嚟食煙，而係問問題。」

原來葉璇當年入房是問自己勝算，鄧兆尊說：「佢問我覺得呢屆佢有冇機會，我話呢一屆一定係你，因為內心澎湃，而且思想比其他成熟好多。」

鄧兆尊曾揭開「鴨店」內幕。

鄧兆尊表示，他當時是受朋友邀請到鴨店幫手教仔仔。

他笑言，其實香港的鴨店很隱蔽，數量亦不多。

而且「鴨仔」通常都是外地人，很少香港本地人。

鄧兆尊笑言，班仔仔連化妝都要他教。

更表示當日他被一名日本女士看中想「帶回家」，不過他堅持自己只是導師，所以拒絕了對方。

鄧兆尊表示，香港鴨店的客人大多數都規矩，只會摸摸肌肉，欣賞震波：「邊度都摸得」。

由曾志豪、王耀祖及貴花田主持的YouTube頻道《田豪祖3寶》節目，經常邀得好友鄧兆尊大爆娛圈秘聞，四人日前進行連線直播，其間鄧兆尊被主持發現身後疑放了與「阿三」陳小姐的結婚相，相中可見二人均以全白造型拍攝，陳小姐頭上更有花花頭飾，雖然口裏說「唔好八卦」，但鄧兆尊亦大方側頭公開合照，惜並非大家想像的婚紗Look。

不過提到旁邊的貓貓圖，鄧兆尊忽然自爆懷疑愛貓大肚，並謂：「而家Check緊，希望唔係，否則好大鑊。」此時，曾志豪嚇窒冒昧問：「你隻貓唔係比喻嚟架嘛？」鄧兆尊卻未有正面回答，之後談到圈中求子個案，包括黃澤鋒去灣仔龍母廟摸龍床成功得女、有藝人到內地某寺廟飲井水等，被問到可有被「撳住生」？鄧兆尊即猛點頭說：「有啲嘅有啲嘅，問得好。」

【點擊睇鄧兆尊情史】：

鄧兆尊早前拍片被發現腹部離奇勁脹。

鄧兆尊曾於2003年憑《皆大歡喜》獲得「飛躍進步男藝員」提名。

鄧兆尊因同時與3位女友交往享齊人之福，因而被網民封為「現代韋小寶」。

鄧兆尊被傳曾與陳彥行拍拖。

盡享齊人之福的鄧兆尊曾與二奶車厘子（左）和大婆Carmen（右）一齊睇騷。

2020年他被拍到「后宮」中除了Carmen、Cherry與Clarie之外，更多了一位新面孔陳小姐，疑似同時與4位女友交往。

鄧兆尊已經跟Clarie分手。

後來「三奶」之位由新歡陳小姐補上。

鄧兆尊近年曾帶「阿三」陳小姐（左）上節目。

鄧兆尊不介意畀人知佢有3位女友，又指有能力令3位伴侶和平相處。

對於外傳陳小姐是單親媽媽，另外兩名女友因鄧兆尊偏心陳小姐的小孩而呷醋，鄧兆尊就澄清：「她們相處融洽，個個都沒問題。」又坦言當繼父感到壓力：「唔打得、唔鬧得，要講道理，幸好在我夠長氣，沒代溝。」

鄧兆尊曾表示不會有「第4位女友」，直言：「應付不來，因為時間不夠。」

鄧兆尊擁3位女友引網民羨慕，但要做時間管理大師不是易事，鄧兆尊在哄女友方面當然有一手！

鄧兆尊多次被拍到同幾位女友一齊行街。

鄧兆尊2017年被拍到帶二奶Cherry車厘子(右2)、三奶骨妹(右3)和四奶(年約40歲中女,後戴橙圍巾被遮掩者)到銅鑼灣時代廣場逛名店。

鄧兆尊曾表示3位女友同時生病入院，他安排3人住同一間醫院，方便他照顧。

語畢鄧兆尊低頭露出身後「婚照」，暗示曾被「阿三」陳小姐逼造人，又續指幾年前已有這個「壓力」，鄧兆尊抵死笑道：「啲馬有時都會被逼入閘！你知唔知呀？（有咩避孕方法？）好易啫，自己去家計會暗地裏剪咗佢咪得囉，如果佢話有咗就恭喜晒，你點會有咗？！」他認為生和養都不是大問題，幾百萬勉強可應付，但教育才是最難部份。

鄧兆尊大爆拍華姐佳麗入房傾偈

此外，講到1999年國際中華小姐競選期間，有份拍外景的鄧兆尊大爆當年許多佳麗入房找他傾偈：「我當時係好蠢呀，諗住女仔唔會咁離譜，點知逐個入嚟，大約十個度。（入嚟做乜？）有啲嘢大會監察住唔畀佢哋做，就靜雞雞走過嚟做，每人一兩分鐘咁，你哋自己諗下啦！」王耀祖火速估中是食煙，鄧兆尊續指該屆冠軍葉璇亦有敲門，但謂：「佢係唯一一個唔係嚟食煙，而係問問題，佢問我覺得呢屆佢有冇機會，我話呢一屆一定係你，因為內心澎湃，而且思想比其他成熟好多。」