絕世好爸陳豪大爆仔女忙過自己 孖明星運動員撐「UC建華企業慈善跑」
2023-10-14 19:55 
視帝陳豪、黃庭鋒、孔德賢及「滑冰女神」馬曉晴、香港長跑運動員羅映潮以及「港隊飛人」姚敬琛等今日（14日）以星級嘉賓身份到科學園出席由紥根香港近30年的建華集團主辦的「UC建華企業慈善跑」，以運動競技推動健康生活，及為救世軍籌款。
【相關閱讀】：陳豪做完港姐司儀竟講不出冠軍名字 老婆陳茵媺睇直播留三字評語
【點擊睇「UC建華企業慈善跑」】：
在開幕禮上，一眾嘉賓與建華集團主席凌偉業在台上分享首屆慈善跑的理念，凌偉業透露在比賽前整傷腳，因此未能達到自己的記錄，之後他亦分享跑步血淚史，而他亦指跑步跟做生意其實相似，也是要克服當中的困難；陳豪則表示以前並不喜歡跑步，但有小朋友後就對跑步改觀，亦會籍跑步去教導仔女遇到問題時要堅持及咬緊牙關；馬曉晴及羅映潮透露在比賽前會聽歌減壓，姚敬琛則笑言緊張時就會想比賽後要吃甚麼。開幕儀式完結後，陳豪甫落台即被眾參賽者圍着瘋狂自拍，非常受歡迎。
過關險被當走私客
現時忙於在深圳拍攝《企業強人》的陳豪表示昨晚才返港，完成工作後便會返回劇組繼續拍攝，慶幸現時交通方便，不耽誤時間，他指老婆與女兒遲點也會去探班，並指三個仔女一直未去過內地，可以趁機認識祖國。問到今日為何不和子女一起出活動？陳豪笑言仔女比他更忙，而且若他們在的話，自己就會變得很忙，加上要考試的關係，所以現在比較忙，他又謂仔女都很有運動細胞，現時都會踢波、打網球、學跆拳道跟跳芭蕾舞等：「細路仔好多嘢，不過佢哋唔算多，香港環境係咁，佢哋都問點解星期六、日唔使返學都仲要上堂？冇計，唔係我哋想，我哋已經唔算怪獸家長。（邊個最多？）一樣，行程排到full曬，冇咁重要都cut走，但真係多，我哋唯一係星期日下晝留畀佢哋放鬆吓。」
提到正拍攝的《企業強人》，陳豪表示自己也在片場設一個咖啡位置提供咖啡，但笑言過關時很擔心，因帶住60包咖啡粉，很怕被誤當走私客：「好彩冇事，過關嗰時都一額汗，但OK啦，起碼𠵱家劇組都好開心，覺得我嘅咖啡係一個好重要嘅精神支柱。」
孔德賢開心「死得值」
曾在明星運動會奪得8面獎牌、被譽為TVB運動王的孔德賢表示，中學時期參加過跑步比賽，當時訓練了半年，但比賽時跑了10分鐘就因太緊張而導致胃抽筋要退賽，當時更忍不住喊：「嗰次之後就攞咗個好好嘅經驗，考嘅時候要控制好個呼吸，因為一緊張就係咁喘氣，橫膈膜一抽筋就跑唔到，教練有提我點樣學習呼吸，好懷念細細個好熱血去練運動嘅日子。」至於黃庭峰在英國時都有玩越野跑步，但現在較喜歡球類運動，又謂當日能見到港隊著名運動員很開心：「都要認定（人），下年奧運可能要捉住佢哋傾偈。（公司已經安排咗？）未，希望可以做！」孔德賢亦希望公司能派他們兩個一起參與奧運盛事。
此外，孔德賢有份主演的《你好，我的大夫》剛在前晚播出大結局，雖然自己的角色早已離世，但笑言頗開心，更自爆前日到茶餐廳吃早餐時，突然有人興奮大叫「孔德賢，你死得好慘呀！」令他覺得自己死得很值得。至於有「港隊飛人」之稱的20歲姚敬琛，今年7月剛加盟Ace娛樂，他預告下年才推出新歌，目前正學習跳舞，更透露入行除了因為愛唱歌外，更是受到偶像張敬軒影響，視對方為榜樣，希望日後有機會合作。
【其他文章】：
羅密歐與祝英台丨陳豪為新劇慨嘆「冇咗個老婆」？ 與陳茵媺相隔11年再合作要壓抑情感
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應