邵子風公開向呂方妻追數掀罵戰大爆「彩虹小姐」瞞住老公與人藕斷絲連

2023-10-10 15:38

呂方太太伍惠寶（Rainbow）近日被邵子風在網上公開追數70萬元，其後伍惠寶在邵子風的社交網否認欠款，事件連日來不斷發酵，昨日伍惠寶在社交平台發聲明：「本人已就此誹謗事件，所有有關人士及其WhatsApp恐嚇我和家人之訊息，已經作出報警立案及交由律師處理，就此不會再作出公開回應。」邵子風今日（10日）再於社交網還擊，但文中未有公開名字，並以「老千彩虹」、「彩虹小姐」稱呼，大爆有人瞞著老公與其他人藕斷絲連。

【點擊睇邵子風出PO】：

呂方太太伍惠寶近日被邵子風在網上公開追數70萬元，事件連日來不斷發酵。

邵子風今日（10日）再於社交網還擊。

邵子風在IG撰長文大爆有人瞞著老公與其他人藕斷絲連。

今早再度出招。

邵子風更貼出了一張2019年與「Rainbow Ng」的對話截圖。

呂方太太伍惠寶被指欠邵子風70萬元。

呂方太太伍惠寶否認事件。

邵子風為向呂方太太追數，又與網民爆口水戰。

呂方太太昨日已經發聲明。

邵子風斥呂方一家保持生活質素。

呂方今次被捲入風波！

呂方未有為事件回應。

呂方與伍惠寶於2020年結婚，同年8月誕下女兒Emma。

邵子風與呂方太太爆發罵戰。

邵子風被呂方太太伍惠寶指曠工。

「蝦頭」楊詩敏曾與前經理人邵子風拍拖。

邵子風日前已經出PO，直斥有人是「好X嘔心呀企業家！」

當時有一個疑是伍惠寶弟弟的網民「Kelvin」與邵子風在網上對質。

邵子風再度反擊，坦言介意被指食拖鞋飯。

邵子風澄清拖鞋飯之說。

網民留言。

邵子風先表示已見到「彩虹小姐」的聲明，但因太忙未有時間處理，將會盡快回覆，並謂：「如果對方報警話我騷擾、恐嚇佢家人，咁好快應該有警察搵我啦！我希望『我會追你追到天腳底』或者『你找唔找數講一句，唔找我搵專人處理』相關說法唔會構成恐嚇啦！我唔識法律呀！激動時我會講晒粗口嘅！講粗口應該無事掛？」邵子風續指這件事已困擾了他幾年，但現已睇化，並表示：「如果唔係早幾日，我聽到我嘅寡婦同學講我知佢追數追到幾陰公、幾可憐、幾受氣、幾委屈… 我先會癲X咗咁出文聲討！其實我老早就已經放棄追…對人哋嘅事太上心，係我性格缺陷。」

邵子風大爆「老千彩虹」與TB歐遊

接著，邵子風大爆「老千彩虹」與一位大律師多年來藕斷絲連，而她老公卻蒙在鼓裡，他表示：「老千彩虹，你同我哋大律師梁同學多年來藕斷絲連，再加上你點樣水佢嗰幾舊水，你有無同老公提過呀？仲有你同老公仲拍緊拖時，你同TB小鮮姑娘去歐遊做過啲乜，後來人哋又點樣幫你，你又點樣反轉豬肚托水籠，你有無同老公提過呀？」

他續爆料指：「我真係唔想提呢啲呀！我話你用美人計我驚我講出嚟無人信，我自己樣衰咋！不過既然你都講得出我要問你『借』30萬，我都唔怕樣衰提下呢啲嘢啦！希望你老公問你你識答啦！仲有你周圍同人講你從前男友手上用1000萬買回嘅股份，人哋地答咗我1蚊都無收過啦… 你係咪又呃你老公啫？根本你老公都唔了解你係乜嘢人！因為你老公蠢X到個程度，唔係好多街外人知囉！」

邵子風只要寡婦同學收齊錢即刪PO

今早，邵子風繼續出招，他在社交網戴晒頭盔指以下為自己散文作品，寫道：「老千本身已經好驚俾人知自己係老千…更何況一個想成為企業家嘅老千呢！」並疑向對方老公表示：「如果我寡婦同學今日收得齊錢，我馬上delete所有嘢！講得夠唔夠簡單？8條啫… 你唱一場都20幾啦親！為老婆、為自己，唔抵俾嗎？雖然佢係憑自己本事呃返嚟…」他更貼出了一張2019年與「Rainbow Ng」的對話截圖，對方表示：「最近好嗎？唔好意思，不經不覺又過了一段時間，我想乾脆就承擔回購你的股份吧，不想拖著你。每天都忙到抖不過氣，大家就定一個時限，我就想盡辦法給你錢就好了，ok？」並答應兩年內盡量回購其股份。