獨家丨七師傅為林作唸往生咒除業障同Ben Sir主持《東呃西騙》分享防騙心得

2023-10-10 07:00

2023年上半年香港嘅詐騙案超過18000宗，HOY TV 77台打鐵趁熱，本周開始播映由七仙羽（七師傅）與歐陽偉豪（Ben Sir）主持，論盡不同行騙手法的新節目《東呃西騙》，集集提供防騙心得，耳仔軟的讀者要留意。其中一集「投資騙案」主題跟熱爆的JPEX案相似。對於林作捲入JPEX案被捕，七師傅憐惜對方係人才，日日為他唸往生咒並笑住解說：「往生咒唔限超度亡靈，亦可以幫佢消除業障。」此語一出，Ben Sir展露尷尬又不失禮貌的笑容打圓場，「所有宗教都係導人向善。」採訪：方騫平攝影：鄧國良

七師傅即場為林作唸往生咒，睇吓Ben Sir笑得幾尷尬。

Ben7組合好有火花。

Ben Sir急急打圓場話宗教導人向善。

多才多藝嘅七師傅話仲有好多追求者，包括騙子。

七師傅突然「DJ」上身，着記者「點唱」，對住鏡頭向林作唸往生咒。

七師傅笑言日日為他林作唸往生咒。

Ben Sir「投訴」接《東呃西騙》呢個Job有被騙成份。

Ben Sir獲七師傅大讚係正人君子。

逢周一至五晚8點半播出的《東呃西騙》共15集，短劇內容均來自真人真事。包括網戀、電話騙案、投資、裸聊、網購、祈福、求職、人生改造與KK園等作主題，大包圍講述騙徒以不同手法令受害人跌落陷阱。昔日「東張女神」林希靈、林泳淘等飾演追擊主持，黎彼德、梁茵、肥腸等扮演騙徒或受害人。

陳嘉倩係防騙記者會發言人，每集講騙案資訊令觀眾提高警覺。

昔日「東張女神」林希靈做返老本行，變身《東呃西騙》追擊主持。

節目中梁茵向追擊主持林泳淘報料，因為她媽媽被「假和尚」Ben Sir呃錢。

徐穎堃演呃錢黨。

劉健威扮電話騙徒，打去搵Ben Sir老闆借錢。

徐浩昌(肥腸)及黃僥霖參與人生改造課程墮入傳銷陷阱。

讚Ben Sir正人君子
節目由籌備到製作耗時一年，至播映前兩周仍要補戲。Ben Sir「投訴」接Job後好有《東呃西騙》精神：「其實我同七師傅都係被騙苦主，由最初被邀做主持引我哋入局，到後來要求演埋
戲，仲愈演愈多，投放咗青春及感情，就好似JPEX苦主咁加碼投資後出唔到金。不過，『Ben7』夢幻組合好有火花。」

七師傅和Ben Sir擔任HOY TV 77台新節目《東呃西騙》主持。

七師傅唔止做主持仲要演埋騙子。

Ben Sir同樣做主持，兼演埋「猜猜我是誰」騙案。

談到節目中有祼聊騙案，Ben Sir強調唔會發生喺自己身上：「我都咁嘅年紀啦，生活多姿多采，唔使加添呢啲元素，而且形象好重要，對facebook、WhatsApp彈出嚟嘅靚女相一概零興趣，連陌生電話都唔會接。」七師傅力證Ben Sir係正人君子，唔鹹濕，更爆料說：「佢係Best of the best！呢幾個月我哋背對背瞓地下休息，仲瞓得都幾埋，但佢一心不亂。」問Ben Sir冇反應，係咪七師傅並非佢杯茶？他解釋：「一個人有好多種慾望，食色性也，唔係要大家壓抑色慾，係要尋求適當歡愉，可以同女朋友、老婆商量一下，或者睇吓圖書及用2D視覺滿足住先。」七師傅認為天下男人，喺大頭相掛牆前(離世)都好色：「𠵱家都有好多人追我，當中有騙子，就算放張狗相喺社交網都讚我有迷人眼神，櫻桃小嘴…」另外，將「師傅愛你」掛口邊的七師傅歡迎騙子埋身：「我唔使防騙，直接畀錢佢哋，燒過億元…我要普渡眾生，助人為快樂之本，要導化佢哋向善，呢啲錢佢哋遲早有用。」Ben Sir認為防騙心得好簡單，要有常識，最重要係貪得理性及做好風險管理。

七師傅及Ben Sir好搞笑。

Ben Sir係正經人家，最愛行山做運動。

Ben Sir家庭生活美滿。

有老公嘅七師傅自爆𠵱家仲有好多男人追求，當中有騙子。

化身DJ著記者點「唱」

在探班期間，每日都要修行嘅七師傅突然「DJ」上身，着《星島頭條》記者「點唱」，對住鏡頭向官非纏身嘅林作說：「林作：我𠵱家唸往生咒畀你，因為有個西方極樂世界十分美好，我希望人人都快樂！」七師傅強調對六道眾生都好，何況係人，仲要係劍橋畢業嘅高材生：「我都係出身自名校，明白到佢讀咁多書好辛苦，佢係人才都想佢可以消除業障。」七師傅跟作媽王莉妮係老友，她自爆說：「3年前作媽唔想裕美入門，想個仔娶我，因為我比佢哋有錢，而且學歷比裕美高，但林作死都唔肯，我反而喺《七救星》節目中「作法」，幫手緩和裕美同作媽嘅僵硬關係，𠵱家佢哋關係得到改善，裕美同作媽仲日日有偈傾呀。」