獨家丨孫美賢感激孫耀威供書教學多年 落敗《中年2》阿哥阿嫂請食飯慶祝

孫耀威 (Eric)之前現身TVB為胞妹孫美賢（Miranda）出戰《中年好聲音2》打氣，可惜Miranda選唱王菲嘅《執迷不悔》難度太高，加上壓力太大，失準到連聲都變埋被foul。Miranda坦認專誠由瑞士巴塞爾飛返港參賽，但咁快就玩完有啲失望，不過當晚胞兄及阿嫂陳美詩好搞笑，和她食飯、唱K，賀她唔使再留守電視城。採訪：方騫平

孫美賢認為唱歌永遠有人喜歡和不喜歡，太介懷結果便輸了。

孫耀威突然現身錄影廠為Miranda打氣。

孫耀威驚喜現身。

孫美賢強調揀錯歌和哥哥冇關。

Miranda選唱王菲嘅《執迷不悔》出戰《中年2》。

43歲孫美賢係兩子之母，為了圓夢首次參與大型歌唱比賽，因而未懂得心理調節：「今次參賽壓力比預期中大，唔想因為係『孫耀威妹妹』，帶畀家人負面嘅評論。另外賽前冇同大會溝通好，一心以為有啲歌可以任揀，知道時已冇晒選擇，強調揀錯歌跟哥哥失策冇關。」

43歲的Miranda為圓夢，首次參加大型歌唱比賽。

Miranda參加《中年2》認識咗一班志同道合嘅新朋友。

出賽後兄嫂和朋友跟她食飯、唱K慶祝。

驚喜現身超感動

Miranda讚好孫耀威：「佢係超級好嘅哥哥，由細到大都支持我做喜歡嘅事。比賽當日更專程返港，畀個surprise 我！嗰刻真係超感動，之後佢知我一定會有啲唔開心，就同阿嫂陳美詩及朋友陪足我一晚。佢哋覺得我當日唱得幾好，只係初段有啲緊張，哥哥仲話『入唔到60強都好，唔使飛來飛去香港及瑞士兩地，咁會對身體唔好。』」

Miranda和孫耀威及陳美詩關係好好，不時結伴去旅行。

孫耀威乜都支持孫美賢。

孫美賢喜歡陽光海灘。

孫耀威嘅鐵粉同樣支持埋Miranda。

Miranda更大爆由孫耀威供她去英國留學：「多年嚟學費及生活費應該唔平，我都唔敢了解佢使咗幾多，因為冇能力還錢，但佢話做哥哥冇計，所以我承諾會努力讀書，最後成功獲一級榮譽畢業，哥哥亦專程飛到倫敦參加我嘅畢業典禮。」

海選時孫美賢成為焦點。

孫美賢想參賽追夢。

識咗好多新朋友。

孫美賢冇打算留底TVB發展。

孫美賢跟鄧兆榮都係受矚目參賽者。

賽後哥哥約埋班朋友跟她食飯贈慶。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ