盧瀚霆新歌唱出入行後價值觀 港鐵車廂拍MV勾起初出道小故事
2023-10-06 02:21 
盧瀚霆(Anson Lo)推出今年最後一首跳唱作品《ON》，總括了他出道4年以來的價值觀。他表示生活上嘅態度一直都不停地衝，希望藉住呢首歌，鼓勵大家跟他齊齊有積極價值觀。
MV中，Anson Lo首次「揸」電單車，過程令他十分難忘：「原來上電單車都幾難，因為係要筋鬆嘅人先上到。」除此之外，置身於搭建的地鐵車廂中，又令他回想起MIRROR初出道時的一件小事。Anson Lo回憶道：「對上一次乘搭公共交通具，應該係兩年前，其實都幾懷念。我拍幕後花絮嘅時候，扮望出地鐵車廂出面，感覺好似啱啱出道嗰排搭地鐵嘅感覺，有機會都想同大家一齊去乘搭公共交通工具。呢個都算係MIRROR出道後自己一個小回憶。」另外，Anson Lo第一次在隧道拍攝，他更與舞蹈員在隧道內起舞，他興奮道：「好好玩！第一次喺隧道入面拍攝，平時成日過隧道，每一日都會過隧道，但冇諗過條隧道空晒，自己喺度跳舞，係好有趣！」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應