頭條戲場 丨《大偽術師》越爛嘅牌就越要畀心機打

電影由德國演員Louis Hofmann 做男主角，睇過電影《十個拆彈的少年》同Netflix科幻驚悚「燒腦神劇」《闇》，對佢極有印象，靚仔仲要識做戲，已經要加佢幾千分，加上一向沉迷二戰電影，有Fans濾鏡所以覺得呢套戲幾好睇。電影根據二戰傳奇護照偽造師Samson Cioma Schönhaus的事蹟改編，冇Non Stop槍林彈雨，可歌可泣的生離死別鏡頭亦欠奉，主要睇靚仔Cioma如何自信滿滿地偽造護照，暗中協助超過300名猶太同胞，避過納粹黨視線逃離柏林！(上映中) 撰文:廖思慧

Louis Hofmann飾演 Cioma，撐起全片，我覺得睇佢就夠。

Cioma好自信，但佢一開始偽造能力唔強。

我覺得Louis Hofmann好正，但德國金像導演MAGGIE PEREN唔係咁睇，第一次試鏡後覺得對方正投入拍攝《闇》，所以又Dark又憂鬱，因為同戲中角色的氣質完全唔似而唔想用佢，直到第二次試鏡先徹底改觀，至第三次才認定Louis 是主角人選，好彩咋。

機智又勇敢
Cioma自細從白俄羅斯移民到柏林，因為擁有極高藝術天份被送到藝術學校就讀。後來納粹黨侵略周邊歐洲國家，直接引發第二次世界大戰，更開始屠殺猶太人，Cioma被逼放棄學業更要投入製造武器換取糧票，之後更有機會憑住一雙巧手同藝術天賦，加入地下組織幫猶太人偽造護照逃亡。父母朋友全部被捉去集中營，亂世中死唔去，條命都叫做生得好，加上膽大心細成日笑，夠薑冒充納粹海軍入夜場又食又飲仲要媾埋女，又識得趁被抄家前變賣家具賺返啲零用錢，佢係成功做到越爛嘅牌就越要畀心機打，仲要打得幾好。

Cioma同老友Det齊扮納粹海軍，係咪靚仔先?

Cioma的鄰居Frau Peters（Nina Gummich），人性極醜惡。

冒充納粹海軍的Cioma識到索女Gerda（Luna Wedler飾)。

Gerda非省油燈，一早識穿Cioma，但為糧票甘願一齊。

電影冇一般二戰電影咁沉重，但壓迫感仍然好強，Cioma親眼見老友Det Kassriel（Jonathan Berlin飾)被捉直入集中營，道別都無機會講只能下世見。從Cioma的日常生活，完全睇到一個猶太人在納粹極權下嘅生活有幾咁水深火熱，要逆境求存只能靠自己。

Cioma未偽造證件前負責整軍備

Cioma偽造護照，協助超過300名猶太同胞逃離柏林。

最後幫埋自己成功逃離

港版海報

德國版海報,靚仔到呢

《星島頭條》新網站有更多精彩內容：http://www.stheadline.com/