張致恒公開結紮手術詳情！竟無問過老婆 稱之前意外懷孕：冇諗過自己咁強
2023-09-21 11:00 
現年38歲的張致恒（Steven）與老婆區燕雯（雯雯）多次鬧婚變，卻又繼續生B，被封網民封為「離婚界KOL」。老婆雯雯月初再誕第四胎，日前張致恒宣布做結紮手術，即再被網民封「結紮KOL」。原來張致恒在數日前已經完成手術，昨晚在IG直播公開結紮手術詳情，更透露過程只需15分鐘，相當迅速。
【相關閱讀】：張致恒接仔放學竟遇途人做一舉動 曾遭陌生人指罵：想掟你落垃圾桶
【點擊睇張致恒講結紮】：
張致恒透露在數日前已經進行結紮手術，又表示在誕下二仔天牧時，已經想過結紮：「但係我一直覺得做手術好似畀啲傷口自己，所以一直唔敢去做。」至於生到第四個囝囝時，終於決定結紮，張致恒解釋指：「第一，係老婆身體，因為佢生第四個好傷，同一個傷口，四年割四刀，所以好記得之前有人問點解唔叫老婆去做結紮，因為我覺得四個就夠，同埋真係唔係特登去追，真係唔小心，冇諗過自己能力咁強，哈哈。」
家計會要排半年：驚唔小心又有咗
張致恒認為結紮是男人責任：「作為四個小朋友嘅爸爸，我覺得唔好再畀呢件事持續落去，我覺得如果再想要小朋友嘅話，咪再搵多啲錢嘅時候去領養一個，我覺得好多小朋友好慘，天生出嚟做孤兒。」張致恒表示最初想在家計會做手術，不過因為要排期太長時間，張致恒還表示家計會要排至少半年：「我驚半年唔小心令到老婆又有咗。」
張致恒強調無贊助要畀錢
張致恒指自己上網再找資訊去找日間醫療中心做手術，又透露並無贊助：「梗係要畀錢啦！呢啲邊有人會贊助。」又表示醫療中心與家計會的價錢相差不大。有網民留言鬧爆：「死都唔戴袋（安全套）。」不過張致恒也反駁說：「邊個話你知我冇戴袋？你瞓喺我床下底呀？」之後又說用安全套不等於完全安全。
身為四子之父的張致恒又表示有小朋友是緣份，能夠養育他們是福氣：「為咗自己幾個仔，為咗老婆又好，為咗大家食花生又好。以前啲人覺得結紮好唔知點咁，其實結紮係一件好簡單嘅事，真係係咁意抽兩條管出嚟切咗佢，而家好多都係微創手術，15分鐘，做完休息一個鐘，等麻醉藥過咗，順利去第一次小便，咁就可以走喇。」
張致恒自揭手術後床事進展
不過原來結紮也有麻煩事，張致恒說：「最煩係要剃晒啲毛，因為我成身都係毛。」張致恒又表示麻醉藥過後：「有小小㾓㾓哋，因為佢條根係扯住小腹，硬係有啲㾓㾓痛，但唔係好多，好少嘅啫。」現在傷口已經不會再痛。張致恒還鼓勵年輕人做結紮手術：「一來可能你唔想要小朋友，二來你生夠，又想維持（性）生活，唔想咁麻煩，結紮其實係好嘅。」
被問到為何公開做結紮手術，張致恒笑說：「我見大家食開花生，咪講吓囉。」之後才認真說：「其實我想話畀大家聽，結紮唔係一件咁恐怖，亦都唔係一件咁老土嘅事。」至於結紮完有否行房，他即說：「我老婆啱啱先生完仔冇幾耐咋喎！」不過張致恒亦透露剛結紮完，只是建議不要太激烈或太大動作，不過同時透露要「排咗啲貨先」：「因為頭20次都會殘留咗啲精子喺度，所以頭三個月都要做避孕措施。」張致恒還表示做結紮前無徵求過老婆雯雯意願。
張致恒直言經濟仍有問題
至於繼「離婚KOL」後，變成「結紮KOL」，張致恒笑說：「冇乜所謂，你鍾意點咪點囉，都係一個名啫，最緊要大家開心，有個娛樂性畀到大家，咁咪冇所謂囉。」張致恒在直播中亦多謝粉絲繼續支持他：「冇你哋嘅支持，我諗我唔夠膽再面對世人，真係嘅。」有網民問到張致恒現在經濟有無問題，他笑說：「點會冇問題，有邊個會嫌錢腥，係咪先？」
張致恒預告做YouTuber
近日成功轉變形象變好爸爸的張致恒，被網民問到如何令小朋友多喝水，他亦大方分享：「水壺可以擺啲水果落去浸住佢，有少少水果味，甜甜哋，啲小朋友基本上都會飲。」至於如何同時間湊四個小朋友：「努力囉！加油囉！」張致恒更展示銀白髮根：「你睇我湊到啲白髮出晒嚟，啲鬚都白晒。」張致恒在直播中表示想再拍戲外，亦透露之後會拍YouTube，分享小朋友生活。雖然在直播中，除細仔外，三個囝囝都有分別出鏡，而老婆雯雯並無出鏡，但亦一直有在後面「出聲」照顧小朋友。
【其他文章】：
張致恒宣布結紮！「離婚KOL」四年抱四 稱為家庭負上最大責任
張致恒宣布有重大決定！ IG貼抱仔相：好榮幸做到四個兒子嘅爸爸
張致恒老婆雯雯宣布順利誕B！ 晒可愛B相：歡迎來到我們的大家庭
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應