獨家丨蝦頭受疫情反思珍惜所有機會盡做舊愛火火鞭策跳出舒適圈試新嘢

2023-09-13 08:00

蝦頭（楊詩敏）受疫情反思，決定珍惜演出機會，首次在舞台劇《獨腳絲打噏の難道停經才去愛》中將獨腳戲結合棟篤笑演出，還有跟觀眾互動環節，蝦頭直言難度極高超緊張，幸好全程有舊愛兼知己火火陪創作兼出任導演，瞓身鞭策她跳出舒適圈。採訪：杜杜攝影：Stanley 場地:Red Academy

蝦頭仍渴望搵到一齊成長及進步的伴侶，但結婚生仔就唔再諗。

疫情令蝦頭重新審視表演事業，更珍惜創作和演出機會。

創作《獨腳絲打噏》的動力源於疫情，這段日子令蝦頭不斷思考，「呢幾年經歷咗好多幾難過嘅時刻，好多生命中好重要嘅人離開咗，或者唔再一齊喺呢個地方生活，令我更加珍惜人與人相處時刻及創作同表演，因為唔知幾時會冇咗，仲有能力去講故事，有得第1次就可以一路做落去。」

蝦頭多得火火不斷逼迫，才會放膽去做今次演出。

蝦頭的舞台劇海報好似AV封面，相當搞嘢。

唔再恨結婚生仔

蝦頭坦言並非如外界想像般勇敢，一直很怕跳出舒適圈，幸好在演藝時拍過3年拖，現已昇華為知己的火火幫手，令她可以安心創作及演出。她更稱男方是生命中重要的存在，分手後兩人關係反而更close，「佢同大部分EX都可以做返朋友，真係勁，但最勁都係佢太太，可以接受火火同佢啲EX做朋友，但係呢個男人好得意，就係可以令到我哋啲女人變成朋友，我同佢太太都會一齊食飯，同佢啲仔女一齊玩，佢有個EX我哋都識，有次大家仲一齊BBQ。」

蝦頭演繹的角色都大膽主動，私底下對愛情就好卑微。

蝦頭多得主持網上節目《絲打圍爐》，釋放了真正的楊詩敏出來。

47歲蝦頭直言已過了渴望組織家庭生小朋友的憧憬，現在只想找一個可以一齊成長和進步的伴侶，「呢幾年更加清楚自己唔係要呢種生活，自由自在非常享受，所以隨緣啦！以往我真係要啲轟轟烈烈嘅愛情，渴望愛搞到自己好卑微去迎合同遷就對方，甚至冇咗自己，𠵱家明白真正嘅愛情係要交流，自己有能力去圓滿就唔需要搶，所以我超鍾意𠵱家嘅狀態，係超開心嘅。」