金像獎2023丨 蝦頭主動出擊向姜濤兩度集郵 出PO表示開心到癲咗: 希望唔好嚇親佢
2023-04-17 19:20 
「第41屆香港電影金像獎」昨晚（16日）完滿落幕，台上有大量感動及爆笑位，台下亦有不少趣事發生，其中憑電影《正義迴廊》入圍最佳女配角的蝦頭（楊詩敏）雖然大熱倒灶，但作為「姜糖」的她，被現場「姜糖」兩度捕捉到找姜濤合照，蝦頭在社交網轉發有關短片，片中見坐在前排的蝦頭，擰轉身主動向後排的姜濤求合照，更示意對方一齊做出心心及V字手勢，其後在散場時，蝦頭再度出擊求影合照，友善的姜濤當然冇問題，蝦頭興奮出Po：「多謝大家幫我捕捉這美妙的一刻，諗咗好耐，就直接同佢 say hi 囉，真係開心到 din jor ，多謝你哋支持」她續指：「太開心，最近的距離，主動出擊咗，希望唔好嚇親佢!」其實蝦頭在其主持的網台節目《絲打圍爐》中，亦曾多次自爆最愛姜濤，雖然昨晚未能得獎，但估計佢一樣好滿足。
《星島頭條》新網站有更多精彩內容：http://www.stheadline.com/
最新回應