韓馬利泰國置業數年仍未見過間屋 杜燕歌以泰文示愛見嬌妻反應竟發嬲？
2023-09-11 18:00 
現年69歲的韓馬利與比她小3歲的杜燕歌結婚34年，多年來一直相當恩愛。最近韓馬利與的杜燕歌在泰國一同接受楊紹鴻的YouTube節目《泰友情緣的歲月》訪問，兩人透露在去泰國前，遊馬來西亞大吃榴槤。
【相關閱讀】：盤點6位不離棄患病伴侶藝人！影帝唔介意老婆病到走樣 甘草腦膜炎丈夫服侍周到
【點擊睇杜燕歌示愛】：
韓馬利原來早已在泰國置業，不過她笑說：「係啩，不過我都未見過我間屋。」還反問主持楊紹鴻：「喺邊啊？」韓馬利表示當時在泰國置業，是希望可以間中去度假，但之前因為疫情關係未能前往泰國：「跟住就租咗出去，我都未見過間屋，唔知喺邊度。我東南西北都唔識分，認唔到啲路。」韓馬利又指好喜歡泰國，杜燕歌亦大讚：「畀人感覺好放鬆，空氣好舒服，係熱，但熱得嚟好爽。」
韓馬利考慮退休移居泰國
韓馬利又指妹妹打算到泰國長住，韓馬利亦指有考慮退休到泰國定居，不過杜燕歌卻有保留：「我唔識泰文，但經過呢幾日了解，我發覺呢邊好多唐人，可以講普通話，電視台有中文電視台，又轉播好多亞洲國家電視台。」韓馬利亦算：「我鍾意啲人好有禮貌，地方又好乾淨，我覺得係退休首選地方，又乜都好食。」不過杜燕歌考慮去馬來西亞，或是兩邊居住。
節目中亦提到杜燕歌當年曾在澳洲開設京菜餐廳，不過杜燕歌則未有想過在泰國再開京菜館：「做飲食時間長，後生時就得，而家年紀大，唔好搞咁多，好辛苦。」韓馬利亦表示想要半退休生活：「有得做就做，見下啲朋友。」
杜燕歌去年示愛無再講
韓馬利與杜燕歌又一齊在節目講「sawadee ka」和「sawadee krub」，之後杜燕歌更以泰文向韓瑪利講「我愛你」！主持楊紹鴻提到去年杜燕歌在節目上向韓馬利示愛，收視急升，還問韓馬利：「自此之後杜燕歌有無講過『我愛你』？」而韓馬利即說：「無啊！哈哈！佢成日都話再心中，唔使講咁多。不過唔緊要，我都習慣咗，佢講我反而覺得發生咗啲咩事，做錯嘢。」
韓馬利與杜燕歌還一同學「我愛你」的泰文，韓馬利笑說發音似「陳甩罐」：「阿陳甩咗個罐。」還不斷對住杜燕歌說「陳甩罐」：「用廣東話我講唔出，『陳甩罐』我又講得出喎。」之後杜燕歌突然用認真語氣說：「韓馬利。」相隔一秒繼續認真說：「陳甩罐。」韓馬利竟然立刻大笑，杜燕歌繼續認真：「唔好笑啦，唔笑得㗎！」隨後又再說：「韓馬利，陳甩罐。」兩度示愛𠱁得嬌妻相當開心。
羅蘭被爆凌晨4點獨自等巴士返工
韓馬利與杜燕歌又提到現在拍劇已經放鬆來做，杜燕歌亦表示身體好重要。主持楊紹鴻更提到陳鴻烈「捱壞咗自己」：「我成日都同羅蘭姐講，『你唔細，就嚟100㗎喇！而家電視台點會就你，梗係就啲阿哥阿姐。」楊紹鴻更大爆：「有同事同我講，有日深夜4點喺將軍澳巴士站一個人等巴士返公司拍嘢。」韓馬利亦說：「見到都好心痛。」杜燕歌則指前輩好敬業：「係一種責任，我應承咗你，幾辛苦都一定會做。」
【其他文章】：
韓馬利杜燕歌結婚33年鶼鰈情深 重提流產事件Mary姐以笑掩飾心中遺憾
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應