世紀暴雨︱環翠邨停車場浸至沒頂 倖免車主:好恐怖 好似山洪暴發 遲啲走都浸埋
2023-09-08 11:03 
天文台昨晚（7日）11時05分發出黑色暴雨警告，全港多區受大雨影響，其中環翠商場停車場成重災區，暴雨湧入車場，近乎「沒頂」，積水一度高近2米，多架車輛幾乎完全被淹沒，有車主趕來「救車」，形容當時情況「好恐怖」，猶如山洪暴發，幸及時駕走車輛，不致報銷。有車主批評管理公司不善，並無及時通知車主駕走座駕，令他們蒙受損失。
本網記者今晨（8日）重返環翠商場，商場地面大量積水，工人忙於掃走積水及善後。而地庫停車場，情況慘不忍睹，積水水深達1米半，部分車輛浸了半架車身，部分甚至只露出車頂。整個車場充斥黃泥水。
車主陳先生今晨到來視察車場情況，他指昨晚接獲朋友通知，指環翠停車場水浸，他在10時許趕來果發現自己的私家車已浸了半個車胎，「水位嚟得好快，10分鐘已浸到膝頭，20分鐘就到頸，即刻駕走架車到附近高啲位置。」他直言「管理公司唔理，冇閘水，應該在樓梯位閘水，啲水湧入迴旋處好似瀑布，好多車沒頂，走得就走，依家應該有10部、8部車仲係入面，因為電掣打唔開，泵唔到水走，一路漲到頂。」由於他要駕車到各區工作，今日應該要停工。
另一位同樣姓陳的車主昨晚8時許，接獲友人通知前來救車，「8點幾已開始浸，9點幾浸咗架車半個胎，凌晨3點浸到2米高，好恐怖，好似山洪暴發咁，好犀利！」他指20多年前曾試過一次,當時他的車輛浸過車頂要報銷，對今次「走得甩」頻說「好好彩，好彩朋友通知，駕走架車。」他同時批評車場管理不善，黑雨開始時應該通知所有車主將車開走，「一直冇通知，成12點幾先通知。今次估唔到咁犀利，我走遲啲都浸埋！」由於他的車輛是搵食車，估計今天未能開工。
---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應