獨家丨星星兔幪面唱歌被侮辱獲Kelly力撐慘被台媒賤招揭真身未獲道歉

2023-09-08 06:00

去年10月，網絡女歌手星星兔跟周國賢在日本推出日文歌《恋花》後，相隔一年再跟陳慧琳(Kelly)合唱新歌。入行12年，就算脫下頭套露多少少，進化到「口罩女」造型，星星兔仍堅持要保持神秘感，連Kelly都擔心她長期戴住口罩會太焗，關心她幾時脫罩？最慘在台灣宣傳時被台媒用賤招揭真身，事後一句道歉都冇，超過份。採訪：方騫平攝影：羅安強化妝：Pinko.C 髮型：Ming Liu 場地：MAJOR POP 三大文化

星星兔未打算除罩，覺得有神秘感好玩啲。

星星兔想保持神秘感。

入行12年捱得都辛苦。

星星兔幪面唱歌曾被侮辱。

星星兔跟Kelly合唱新歌《THE DAY WHEN WE FALL IN LOVE》細說宇宙萬物嘅誕生，MV更耗資過百萬營造科幻場景。原來星星兔早年曾為Kelly作曲，7年前已萌合唱念頭，奈何緣份未到，今次成事亦好事多磨，原定年底錄音，怎料Kelly遇上車禍受傷要延期兩個月，連MV也由原定日本拍攝改為香港取景。

MV中Kelly飾演來自遠古神秘星願族的Captain K，與太空飛行員星星兔遊走唔同星球。

MV更耗資過百萬營造科幻場景。

星星兔、陳慧琳好有默契。

Kelly好有型。

Kelly戥長期幪面辛苦

錄音過程令星星兔好難忘：「相處4小時，我哋傾shopping同扮靚話題，我請佢食車厘子，佢就送我代言嘅健康奶粉，(Kelly有冇畀意見你？)佢話戴住口罩咁辛苦，問我幾時除低喎？我答佢遲啲先啦，有朝一日玩厭再算，否則要做一件轟烈嘅事先除罩，暫時都想保持一個獨特形象，有神秘感好玩啲，能帶出幻想空間，其實全世界有好多幪面歌手。」

星星兔好享受跟Kelly錄音。

年前星星兔曾用另一「身份」幫Kelly作曲。

黃貫中係星星兔偶像之一。

9年前星星兔花無數心血，揼本實現了「上太空計劃」。

星星兔去年10月跟周國賢在日本推出日文歌《恋花》。

長期幪面都辛苦。

星星兔參加日本《沖繩國際電影節》。

在東京演出。

參加《東京Rayark Wonderland》演唱會。

星星兔跟日本廣島歌手HIPPY02合作。

星星兔及日本廣島歌手HIPPY02。

星星兔坦言做幪面歌手不易，未必能得到大眾接受，所以經常俾人睇死，好辛酸：「最唔開心2012年盛夏去台灣做宣傳，公司約咗傳媒喺籃球場做訪問，等咗好耐都唔見人，我戴住毛毛頭套幾乎焗暈，但仍堅持唔除低頭套唞氣，事後才知原來記者匿埋遠處偷影，捕捉我熱到除低頭套一刻；之後喺記者會上又有記者突然扯走我個頭套，好彩戴咗口罩保得住神秘身份，可能佢哋好奇我真正身份，但我就有少少嚇親，而佢哋就完全冇歉意。」