喬寶寶年青跟黃凱芹撞樣好靚仔 顏值更勝張繼聰 與陳慧琳好登對
2023-09-01 21:15 
喬寶寶以無綫真人騷《殘酷一叮》出道，係香港出生印度裔嘅香港人，近年雖然移居英國湊孫，但仍不時返港搵快錢，寶寶嘅搞笑形象都帶來唔少工作機會㗎。近日他在社交網上傳跟張繼聰、天后陳慧琳、天王劉德華，還有靚女郭羨妮、關心妍等合照惹起關注。
現年53歲的喬寶寶中年發福，休閒在家甚至會唔剃鬚顯得較蒼老，但睇返舊相，原來年輕時寶寶卻係一名靚仔，跟擁有一雙電眼嘅「情歌王子」黃凱芹撞樣。網民大讚年輕瘦版嘅喬寶寶輪廓分明好靚仔，當年真係青春可愛，皮膚又靚，絕對係小鮮肉，還追問係咪AI及P圖效果？還封他做「印度美斯」及「印度黃凱芹」。
網民又指年青時寶寶跟陳慧琳都係靚仔及靚女，十分登對，𠵱家變身大猩猩嘅寶寶拍住Kelly變咗美女與野獸。另外，有網民指寶寶顏值更勝張繼聰，其後網民𠱁返張繼聰，話兩個都係靚仔型男。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應