獨家丨羅沛琪訪問林敏驄被讚口齒伶俐 前ViuTV主持參加《中年2》唔怕尷尬

TVB《中年好聲音2》108強參賽者中，包括2012年出身於now TV，至2016年成為ViuTV第一批主持的羅沛琪（Pinky）。現已回復自由身的Pinky唔介意倒戈，「踩場」目的係畀機會自己接受挑戰，她傻笑說：「今次參賽只要我唔尷尬，尷尬的就是別人。」採訪：方騫平 場地：The Stadium 髮型：Calvin Wong ,Joe Poon @Via il colpo

Pinky倒戈參加TVB《中年2》唔怕身份尷尬。

Pinky好唱得。

初入行時Pinky被封「翻版容祖兒」。

初入行時被封「翻版容祖兒」的Pinky，求學期間是歌唱比賽常客，但入行後反而覺得技不如人，與其獻醜不如藏拙。話咁快37歲的她，醒覺做人要拋開包袱，既然《中年2》係一個正能量節目，不如Enjoy個過程，畀機會自己試吓。作為前ViuTV主持人，問到身份上會否尷尬？Pinky強調唔會，大會應該一視同仁：「其實每個參賽者都會有唔同背景及故事，見慣不怪，我希望觀眾睇到我主持以外嘅另一面。」

黃劍文、姚安娜、劉威煌、羅沛琪企前排C位，明顯受到關注。

Pinky以衛蘭嘅《霎眼嬌》參加海選，仲有得唱晒全首歌！

參加《中年2》為咗挑戰自己。

從中認識咗好多新朋友。

獲林海峰鼓勵好開心

Pinky過往曾訪問過唔少紅星如梁朝偉、林敏驄、張家輝及姜濤等，有唔少難忘經歷：「記得有次出席event獲林海峰(Jan)鼓勵，佢話『我有睇你做節目㗎，做得好好呀！』俾猛料前輩讚賞梗係開心啦，估唔到Jan接受我主持嘅《interviu》訪問時仲公開讚賞我，真係好感恩。今次參賽我唔敢DM同佢講，費事打搞人哋啦。」另外，Pinky曾訪問林敏驄及狄龍，被後者讚口齒伶俐，「因為時近農曆新年，驄哥問我『你屬乜(生肖)㗎？』我就好快答佢『我係屬於大家㗎！』搞到驄哥答不上嘴，狄龍哥就讚我，自此驄哥見到我就好開心，因為大家都係Mean精。」目前Pinky開班教口才，以專業技能謀生。

Pinky獲阿Jan讚賞感到好意外。

訪問林敏驄及狄龍時，Pinky反應好快冇被嚇親。

Pinky曾任Now觀星台主持，直至後期才轉投ViuTV做主持。

Pinky訪問過「人氣王」姜濤。

去年Pinky以製作人身份與邵音音及嚴崇天拍攝微電影《地產KOL》，在法國獲獎。

訪問過小齊及張家輝。

Pinky同衛蘭好老友。

主持《囝囝囡囡730》節目訪問鏡仔。

訪問梁朝偉及陳奕迅。

NOW TＶ時代與樂基兒到意大利主持旅遊節目。

目前Pinky開班教口才，以專業技能謀生。

講今日疫情。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ