獨家丨Marf@COLLAR首做女一好淆底 試鏡扮食毒藥睇你點死好難忘

邱彥筒（Marf）@COLLAR在ViuTV新劇《那年盛夏我們綻放如花》中，跟陳焯嵐、蔡承恩（Billy）、光頭幫的陳傑奇和黃偉聰（Noise）首合作，眾人均首次拍劇，覺得試鏡過程已經非常好玩，雖然拍攝好辛苦，但似足同學成長好難忘。採訪：杜杜 攝影：Stanley 形象:Daniel Cheung、Chesney Lau(邱彥筒)、@inggradwantmagic、@wing_wa1(蔡承恩、陳傑奇) 髮型:Taurus Lee(邱彥筒)、化妝:San chan、Percy Shing(邱彥筒)、服裝:Marni、Dr.Martens、Dunhill(邱彥筒)、@midwestvintage、@projectt_official、@12.oclock.vintage、@shopping.bag(蔡承恩、陳傑奇)

初嘗女一滋味的Marf會記住這次經驗，當作成長的回憶。

陳焯嵐劇中飾演「洪諾言」。

蔡承恩劇中飾演「Billy」。

陳傑奇劇中飾演「徐健民」。

黃偉聰劇中飾演「劉楚恆」。

 第一次試鏡的五人都覺得好有趣，阿奇說：「做啲平時唔會做嘅嘢，如無端端搵人同你嘈交，又要辯論一啲有堅定立場嘅嘢。」最過癮是要扮食了毒藥的反應，Billy笑言：「話啪完粒藥1分鐘後會死，要用盡所有唔要面嘅方法，去做呢場戲。」焯嵐跟真實跟劇中女友郭東彩一齊試鏡，其中1個要扮食毒藥，「我哋排戲嘈到拆天，隔籬studio嘅人問我哋嘈夠未。」Noise和Marf就覺得第2輪試鏡有30人一齊玩遊戲最難忘，如收起各人電話放在地，再於綁住手腳下攞返，似足Ocamp，Noise：「攞唔到就要聽日先可以返去攞，喺度兇我哋，哈哈！」Marf補充：「聚首一堂玩唔同嘅game，真係好好玩，cast唔中都冇所謂！」

Marf、焯嵐（前左）、Billy（後左一）、阿奇（後右一）和Noise（後中）稱演員間的感情好似同學。

焯嵐、Billy、阿奇和Noise是「4大好人」，專門蝦蝦霸霸。

Billy Noise興奮做明星

最終被選中當然超開心，Billy拋下一句：「嗰刻覺得準備做明星嘞！」全場爆笑，Noise加多腳：「個世界仲唔係我嘅，哈哈！」至於首做女一的Marf，就好期待收劇本做功課，因她好重儀式感，「會即刻諗點樣mark好多嘢入去。」同時又稱「我淆底㗎！」但她強調冇俾女一框住自己，「我知道角色嘅設計，大家有唔同發揮之餘，都有聯繫，大家一齊承擔，壓力就冇咁大，大家都係新演員，有共同嘅經歷，覺得好有意義。」

Marf演的「楊悅盈」好「摺」，兩者都是重情義的人。

「楊悅盈」和「4大好人」有不少衝突場面，衝動派的「劉楚恆」（Noise）負責出手。

焯嵐演「4大好人」首領「洪諾言」，跟郭東彩演的「Crystal」是一對。

Billy在劇中也叫Billy，身為班長的他最多意見。

《星島頭條》新網站有更多精彩內容：http://www.stheadline.com/