Patrick Sir林溥來狂晒校園照竟是學校高層 2歲仔返預備班開心不願走

2023-08-25 14:30

由補習天王轉型藝人的46歲Patrick Sir（林溥來），2016年與拍拖5年的關宛珊拉埋天窗，婚後誕下兒子「洋蔥頭」林若嘉（Preemo），兩公婆不時於社交網分享親子日常。昨日（24日）Patrick Sir透露，囝囝終於返學前幼兒預備班（Pre-Nursery），該Po文更變相另類宣傳。

【相關閱讀】：破毒強人丨J2女神胡美貽跨坐Patrick Sir林溥來嘴對嘴餵食毒品畫面極香艷

【點擊睇Patrick Sir囝囝】：

Patrick Sir現在是《東張西望》主持之一。

Patrick Sir與老婆關宛珊前年4月添囝囝林若嘉（Preemo），現在囝囝已經2歲。

Patrick Sir與老婆關宛珊經常於社交網晒親子日常。

Preemo非常精靈、活潑。

Patrick Sir前年曾在自家花園接受無綫節目《我要做業主2》訪問。

自小在公屋長大的他透露當時一家六口擠在狹小蝸居，令他立志長大要發奮脫貧。

Patrick Sir畢業於喇沙書院，之後分別在香港科技大學及香港中文大學獲得學士及碩士學位。

Patrick Sir（左）自中三開始替鄰居孩子補習賺零用錢，大學時期繼續當補習老師，同時兼任模特兒工作，2005年開辦補習社。

2009年，Patrick Sir獲邀成為TVB兒童節目專家主持，現為TVB旗下合約藝人，除了主持《東張西望》外，最近亦於熱播劇《破毒強人》演出。

Patrick Sir於熱播劇《破毒強人》俾女圍。

胡美貽仲嘴對嘴餵Patrick Sir食丸仔。

非常入戲的Patrick Sir雙手更在對方背部遊走。

Patrick Sir在2019年以2,950萬購入大圍壹號雲頂一個地下特色單位，連地下花園。

兩公婆不時分享居家生活照。

書房拎書仲要爬梯！

客廳環境開揚，面積夠大外，樓底亦相當高。

大廳的玻璃門直通花園，屋內則設置了一個兒童遊樂區讓囝囝耍樂。

Patrick Sir透露囝囝終於返學前幼兒預備班（Pre-Nursery）。

Patrick Sir晒出老師於開學前寄給囝囝Preemo的明信片。

Preemo放學一見到爸爸媽媽，即搲一搲褲襠一支箭走人。

Preemo迫不及待落樓梯。

要Patrick Sir溫提下先記得跟老師講Bye-bye。

Preemo己緊握扶欄小心翼翼落樓梯，好叻仔。

Preemo不忘擰轉頭以奶音叮囑：「媽媽你快啲扶實啦，好似Preemo（咁樣）。」

Preemo看似勇敢兼趕住走，但媽咪關宛珊大爆他玩到不捨得放學。

關宛珊指囝囝仲表示：「接放學嗰陣就會問我點解要返屋企，不如再帶佢去返學呀。」

Preemo的校園生活多姿多采。

Preemo在學校好多嘢玩。

Preemo玩波波。

Preemo做勞作。

Preemo玩得好投入。

Preemo有媽咪陪玩車車。

Preemo獲老師悉心照顧。

Preemo就讀伽利利國際幼稚園的學前幼兒預備班。

Patrick Sir正是伽利利國際幼稚園的校監。

Patrick Sir於帖文寫道：「Preemo終於踏入人生第一個重要嘅階段⋯正式返PN喇！見到佢着住校服個樣，真係好感動！正式開學前幾日，竟然收到Preemo嘅第一位class teacher寄畀佢嘅一張明信片，歡迎Preemo之餘，仲寫咗一番說話，完全觸動到爹爹媽媽個心，寫出父母內心嘅寄望，亦完全睇得出老師嘅愛心。多謝老師，相信Preemo一定喺你或學校嘅照顧下，開心茁壯成長！」

相中所見，2歲Preemo穿上校服與父母舉V合照，狀甚興奮；直到放學一見到爸爸媽媽，他搲一搲褲襠即一支箭走人，更要Patrick Sir溫提下先記得跟老師講Bye-bye，相當搞笑。Preemo亦好叻仔，其間自己緊握扶欄小心翼翼落樓梯，更不忘擰轉頭以奶音叮囑：「媽媽你快啲扶實啦，好似Preemo（咁樣）。」甚具「暖男」潛質。

補習天王轉型藝人

事後，關宛珊大爆看似勇敢的囝囝，其實都一度出現「分離症」，幸很快便適應學校環境，甚至開心到捨不得走，她說：「（佢）去到學校附近就會話唔想番學，有時喊有時唔喊，去到學校門口講拜拜，再拖住老師就唔喊咁入去，然後老師話佢玩得好開心，接放學嗰陣就會問我點解要返屋企，不如再帶佢去返學呀。」

然而「百足咁多爪」的Patrick Sir畢業於喇沙書院，之後分別在香港科技大學及香港中文大學獲得學士及碩士學位，他自中三開始替鄰居孩子補習賺零用錢，大學時期繼續當補習老師，同時兼任模特兒工作，2005年開辦補習社EDFLOW Learning Center，2009年獲TVB邀請成為兒童節目專家主持，現為TVB旗下合約藝人，除了主持《東張西望》外，最近亦於熱播劇《破毒強人》演出。目前，Patrick Sir也是私立幼稚園伽利利國際幼稚園（Galilee International School）的校監，即是囝囝Preemo現時所就讀的學校。