日本核廢水8.24排海│市民：驚日本水果受輻射污染 旅客：中國本身都有好多生果
2023-08-22 23:02 
日本政府決定於本周四（24日）開始排放福島核污水，港府隨即宣布同日起禁止當地10個都縣的水產品進口，雖然不涉及日本水果，但有商戶表示，生意肯定受到影響；有市民表示擔心日本水果會受輻射污染影響健康，會食少些，甚至可免則免；亦有內地旅客表示，中國本身都有好好多水果可供選擇。
《星島頭條》記者今日(22日)於油麻地果欄直擊，其中光記果欄職員潘先生表示：「市民都會揀其他國家的水果，睇下市民嘅取向。」至於會否影響中秋節市道？潘指：「未知公司點安排，遲啲有通知，相信唔只係油麻地果欄，成個生果行業都會受到影響，肯定會有所打擊。」
市民吳先生：「都有食開日本生果，之後會食少啲，少買啲，或者改買其他地方嘅生果。都驚（日本水果）有輻射污染影響健康，免得就免，中秋節會食少啲，亦會睇政府點把關。」
深圳旅客陳先生：「平時得閒就過嚟（香港）玩吓，都會嚟買日本水果，如葡萄、桃等，因為好味，每個地方嘅生果都有每個地方嘅特色。」對於日本即將排核污水，陳表示，「肯定會有影響，有冇得（日本水果）食冇所謂，可以選擇其他生果，我哋中國本身有好多生果。」
港府於2011年福島核電事故後，就福島、千葉、栃木、茨城和群馬5縣的若干食品實施的進口管制措施將會維持，即是禁止源自福島縣的所有蔬菜、水果、奶、奶類飲品及奶粉入口。源自福島縣附近4個縣（即茨城、栃木、千葉及群馬）的這些食品，則必須附有由日本主管當局發出的輻射證明書及出口商證明書，才可進口。
---
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應