草蜢澳門演唱會丨蔡一傑驚遇舞台意外！腳部傷勢曝光 蔡一智自薦幫捽腳
2023-08-21 18:50 
《RE: GRASSHOPPER 草蜢巡迴演唱會》日前（19日）在澳門完成演出，當中蔡一傑狀態大勇，在台上表演後空翻，獲全場掌聲，直到演唱會接近尾聲，蔡一傑在台上才道出他前一晚綵排時，不小心拗傷左腳，要用繃帶固定腳踭位置，才能負傷演出。
【相關閱讀】：草蜢相隔13年再登台北小巨蛋 蔡一傑喜見前輩捧場感動爆喊
【點擊睇草蜢澳門演唱會】：
蔡一傑表示：「前一晚綵排跳舞唔小心拗傷左腳，夜晚返到酒店房，阿智仲話做鐵打師傅幫我扭吓隻腳，我即刻話唔好，唔慣比阿哥捽腳，但我有幫自己按摩，其實今晚現場太好氣氛，我根本都忘記咗受傷，因為觀眾嘅掌聲同歡呼聲，係最好嘅止痛藥。」
為有足夠體能及靚聲應付演出，3子雖然提早數天到澳門做足準備，但未有出外品嘗澳門地道美食，加上蔡一傑受傷，要靠經理人林珊珊外賣蟹粥回酒店給他，旁邊的蔡一智更搞笑說，有很多氹仔粉絲買了大量葡撻及豬扒包送給他，令酒店房變成了一個小型澳門美食天地。
蔡一傑宣布好消息
澳門站演出超額完成，蔡一傑這晚還有另一個好消息，原來他獲《香港健美金像獎2023十大健美名人頒獎典禮》頒發「十大健美名人獎」，還有一座999.9千足純金獎座及獎牌，他說：「自己呢幾年都有積極參與健身界嘅活動，去做頒獎嘉賓，亦有好努力運動，多謝大會頒呢個獎畀我，希望我可以繼續keep落去，去到某個年紀，仲可以有六嚿腹肌。」雖然其餘兩兄弟都有恭喜傑仔獲獎，但蘇志威和蔡一智不忘搞笑，指兩人健身玩slim cut「行錯路」，只能獲「十大排骨名人獎」，令蔡一傑唔知好嬲定好笑。
【其他文章】：
草蜢尾場丨蔡一傑自爆失聲唱到喊 4場唔夠喉好想開Part 2
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應