羔羊遊戲丨熊黛林被扯爆衫「強暴」震撼眼球 穿小背心狂奔逃命
2023-08-21 15:00 
熊黛林（Lynn）與郭可盈胞弟郭可頌婚後誕下一對孖女，雖然一家四口生活得幸福美滿，不過熊黛林在老公支持下，繼續在娛樂圈工作。最近熊黛林參與內地網絡電影《羔羊遊戲》，今次她與鄭浩南、陳保元及彭懷安（Eddie）等人合作，其中一幕被彭懷安施暴的戲，觀感相當震撼，熊黛林今日接受《星島頭條》的訪問，今次是老公的支持下，在演戲路上嘗試一個突破！
【相關閱讀】：熊黛林自爆被「最親的人出賣」引揣測 郭可頌隔空慰妻：一家人整整齊齊
【點搫睇熊黛林《羔羊游戲》突破演出 】：
在戲中，熊黛林在結婚當日老公死於匪徒槍下，有一晚颱風之夜意外滯留樓內，目擊同一幫匪徒在大廈內殺人，不慎暴露了自己的蹤跡，她一邊抵抗匪徒的無情追殺，同時亦設法為夫報仇，其中一幕熊黛林被彭懷安施暴的戲碼，感覺相當震撼，熊黛林今日接受《星島頭條》的訪問，坦言是從影以來最突破的一步：「今次動作戲份算係我嘅第一個突破，而人物性格方面對我都係好突破，以前做嘅都女神、賢良淑德嘅角色，好少見到我會畀人追住嚟打，一開始我戲入面我親眼見到老公被殺，令到我有創傷後遺症，正常嘅女仔再見返一啲打鬧場面都會好驚，所以我起初係表現得好軟弱，之後要演出好強悍要幫老公報仇，個反差係好大，對我嚟講係好成功，係我自己嘅一大突破！」
整爆咗個頭唔識畀反應
為了應付戲中的動作戲，她事前亦努力學習：「喺戲入面我係射箭高手，我要去學習幾堂，記得喺上第一堂之後，自己手臂唔係太有力，練完之後幾日都舉唔起隻手。而有一場追逐戲自己就受咗傷，因為對環境唔熟識，身手又唔夠敏捷，被追後藏身喺機房嘅一場戲入面，唔小心整爆咗頭，流晒血，當時我好耐都唔識反應，好彩劇組人員即刻帶我去醫院，縫咗兩針。」
老公開綠燈鼓勵去拍
不過熊黛林坦言因為這個原因而接拍這部電影：「其實我一睇到呢個劇本已經好鍾意，因為我同我老公成日都會喺屋企睇得最係犯罪、驚慄嘅電影，我睇嘅時候都會想像如果自己喺戲入面會係點？一定好刺激、好過癮！當時收到劇本我老公都鼓勵我去拍，佢仲話拍完可以一齊睇，可以話係一拍即合。而接拍時正正係疫情高峰，當時有工作自己都好感恩。」至於性感演出又有否需要問准老公？她笑說：「今次我覺得唔算特別性感，之前成日做運動時都會着sport bra，只要健康就冇問題，我老公都OK呀！少少性感OK呀，我哋都唔會好介意。」
【其他閱讀】：
熊黛林細女凸嘴疑是「腺樣體面容」 見網民憂心討論以12字回應
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應