屯門巴士惡媽爭位坐 狂拋「皇后病」「太后病」金句 入去睇鬧人表情包｜Juicy叮

屯門一名帶著兩名女兒的少婦，在一輛巴士上與鄰座婆婆懷疑因為座位問題舌戰。兩人對罵短片在網上流傳，惡媽爆出的啜核金句——我「返屋企點止公主病呀，皇后病添啊！你呢，太后病呀？」，和擰頭擰髻嘴藐藐的誇張鬧人表情包，與引起網民陰陰嘴笑著關注。短片所見，罵戰最終在無入鏡男聲一句「一人少句啦好嗎？」戛然而止。

少婦擰頭擰髻嘴藐藐舌戰婆婆逐格睇 ＋ 網民睇唔過眼回應↓↓↓↓

一名帶著兩名女兒的少婦，在一輛巴士上與鄰座婆婆懷疑因為座位問題舌戰。網上截圖

屯門巴士惡媽爭位坐 拋出「皇后病」「太后病」金句 入去睇鬧人表情包。

兩人對罵短片在網上流傳。網上截圖

網民：講咪講囉，頭擰擰咁，唔通信心會大啲。網上截圖

少婦擰頭擰髻嘴藐藐。網上截圖

網民：個阿媽講啲嘢真係好MK。網上截圖

少婦連爆啜核金句。網上截圖

網民：小事一樁都咁激。網上截圖

少婦態度引起網民關注。網上截圖

網民：反面教材。網上截圖

由於短片一開始時，對罵已展開。網上截圖

網民：老人家真係唔會咁高意識㗎。網上截圖

網民：好似五官亂曬 。網上截圖

網民：個媽媽都認佢自己有「皇后病」。網上截圖

網民：唔想（在屯門）撞到佢。網上截圖

網民：佢塊面抽筋呀？要唔要睇個醫生先。網上截圖

網民：都係坐果幾個站，咁都要嘈？網上截圖

網民：點解個咀臉咁趣怪。網上截圖

短片開始時兩人已在對罵中，手抱小女兒，與大女兒同坐的少婦在對罵期間表情豐富，扭身扭勢，全程擰頭擰髻奚落對方；罵戰另一主角、詞鋒同樣厲害的婆婆雖然一直沒有入鏡，但氣勢也不輸蝕，一句「你公主病就返屋企」，引出了少婦連環爆金句：我「返屋企點止公主病呀，皇后病添啊！你呢，太后病呀？」，接著語帶不屑地形容對方為井底之蛙，毫不猶豫地把對婆婆的不滿掛在臉上。

抱B少婦舌戰婆婆對罵詳細節錄↓↓↓↓

抱B少婦舌戰婆婆對答詳細節錄：

短褲少婦：你屋企人就你，你都可以野蠻啲格。網上截圖

無入鏡婆婆：你公主病就返屋企

無入鏡婆婆：你唔好喺度嚟發爛渣。網上截圖

短褲少婦：哈，返屋企點止公主病呀

短褲少婦：皇后病添啊。網上截圖

短褲少婦：你呢，太后病呀

無入鏡婆婆：你真係吖

無入鏡婆婆：嘩，發爛渣得你死呀，真係吖

無入鏡婆婆：未見過咁惡死嘅人，真係吖

短褲少婦：哈，咁要見識下啦要

無入鏡婆婆：咁咪真係要見識下啦

短褲少婦：係啊

無入鏡婆婆：啲野蠻種嚟嘅

短褲少婦：見識少呀嘛

短褲少婦：井底之蛙呀嘛，明㗎

無入鏡男聲：一人少句啦好嗎？

短褲少婦：BB坐好

無入鏡男聲：乖啦（完）

......
無入鏡婆婆：你公主病就返屋企
無入鏡婆婆：你唔好喺度嚟發爛渣
短褲少婦：哈，返屋企點止公主病呀
短褲少婦：皇后病添啊
短褲少婦：你呢，太后病呀
......
無入鏡婆婆：嘩，發爛渣得你死呀，真係吖
短褲少婦：哈，咁要見識下啦要
......
無入鏡婆婆：啲野蠻種嚟嘅
短褲少婦：見識少呀嘛
短褲少婦：井底之蛙呀嘛，明㗎
無入鏡男聲：一人少句啦好嗎？

＊罵戰詳細對答請瀏覽上圖↑↑↑↑

樓主長文講「前傳」↓↓↓↓

短片在對罵聲中展開，細心的樓主於是在上載短片時，順道發長文講述事件「前傳」，讓網民對事件的脈絡有個清楚的了解，事情是這樣開始的↓↓↓↓

樓主長文講「前傳」。網上截圖

個媽咪想同個女坐埋一齊，跟住有個婆婆唔知坐咗落去

佢發癲Ｘ個阿婆，佢仲恐嚇個阿婆出屯門小心啲，有啲咁嘅老母真係羞家，網上截圖

可能講得唔清楚，架車本身爆晒，個媽咪本來抱住細女坐右手邊關愛座，。網上截圖

個大女就企係左手到睇住架BB車，到兆康站就好多人落同上車，。網上截圖

咁個媽咪一心諗住隔離個人落車就坐返去左手面同大女一齊坐（阿大女已坐咗落左手面），

咁啱阿婆唔知頭唔知路就坐咗喺大女隔離。個媽咪就開始發癲，網上截圖

係到單打個婆婆，阿婆就講咗句：你哋想坐埋一齊呀？網上截圖

個媽咪即刻瘋狂Ｘ阿婆，話：頭先咪大大聲同我女講我一陣坐過去囉！網上截圖

咁阿婆就話：吓，我點知，我聽唔到。網上截圖

媽咪：咁Ｘ大聲你都聽唔到？？

跟住就如片中所述......

樓主長文講「前傳」。網上截圖

「個媽咪（短褲少婦）想同個女坐埋一齊，跟住有個婆婆唔知坐咗落去，佢發癲Ｘ個阿婆，佢仲恐嚇個阿婆出屯門小心啲，有啲咁嘅老母真係羞家。可能講得唔清楚，架車本身爆晒，個媽咪本來抱住細女坐右手邊關愛座，個大女就企係左手到睇住架BB車，到兆康站就好多人落同上車。

咁個媽咪一心諗住隔離個人落車就坐返去左手面同大女一齊坐（阿大女已坐咗落左手面），咁啱阿婆唔知頭唔知路就坐咗喺大女隔離。個媽咪就開始發癲，係到單打個婆婆，阿婆就講咗句：你哋想坐埋一齊呀？個媽咪即刻瘋狂Ｘ阿婆，話：頭先咪大大聲同我女講我一陣坐過去囉！咁阿婆就話：吓，我點知，我聽唔到。媽咪：咁Ｘ大聲你都聽唔到？跟住就如片中所述......」。不過，短片並無交代少婦何時坐回大女兒身旁。

網民一面倒針對少婦斥教壞細路

回應的網民幾乎一面倒針對少婦，批評她「教壞細路」、「反面教材」，認為「小事一樁都咁激，同埋個老母咀臉堅不討好，這樣身教小孩，下個這樣的人指日可待」、「做呀媽做到咁，2個囡將來有樣學樣」。

另有人斟酌其擰頭擰髻的吵架姿勢，指「講嘢還講嘢，個頭可唔可以唔fing，個身可唔可以唔扭」、「講咪講囉，頭擰擰咁，唔通信心會大啲」，有人分析指，「心虛怕死又要壯膽，就要用呢啲行為去掩飾」。

有人則主持公道替婆婆抱不平，指「老人家真係唔會咁高意識㗎，佢地老咗反應遲鈍啲，聽又唔清楚睇又唔清楚，周圍發生咩事有時真係你兜口兜面話佢地知，佢地先會知㗎」、「個媽媽都認佢自己有『皇后病』，有咁嘅屯門街坊，真係不幸。婆婆本身都唔係有心坐錯位，咁都要鬧人，就算真係2母女分開坐，咪落車先Join（聚）番一齊囉！又唔係話分開咗坐就永遠都見唔到個女」。其他網民抵死回應請瀏覽上圖↑↑↑↑。

巴士爆罵戰相關新聞：

巴士上對罵5分鐘 大把位都爭位坐？ 大媽：咪掗住兩張凳 唔准過界

巴士上對罵5分鐘 大把位都爭位坐？ 大媽：咪掗住兩張凳 唔准過界

 一輛有大量「吉位」的巴士早前竟爆出爭位風波，兩名女乘客在車上你一言我一語對罵長達5分鐘，期間粗口橫飛。涉事的拍片女乘客更爆出啜核對白：「拿，呢張凳呢個界喺度」、「你唔好掗我呢邊嘅位」、「你畀一個人錢呢，就坐一張凳」、「你自己包晒成架巴士啦」、「小朋友塞住耳仔唔好聽（粗口）」、「人人得以誅之你吖」、「你嗰啲蝦呀、蟹呀攞出嚟吖」。

巴士大媽爭位坐對罵5分鐘逐格睇 ＋ 網民睇唔過眼回應↓↓↓↓

一輛有大量「吉位」的巴士早前竟爆出爭位風波。網上截圖

網民：懶正氣。網上截圖

兩名女乘客在車上你一言我一語對罵長達5分鐘。網上截圖

網民：鬥迫。網上截圖

拍片的大媽A向大媽B手指指。網上截圖

網民：食飽冇嘢做撩交嗌。網上截圖

拉著買餸車的大媽A上車後手指指。網上截圖

網民：大把位啦。網上截圖

 

—————

《星島頭條》APP經已推出最新版本，請立即更新，瀏覽更精彩內容：https://bit.ly/3yLrg