奇蹟小店丨肥媽自爆睇跌打失禁！支嚳儀學「佛山無影腳」竟言用一物代替

2023-08-07 18:00

肥媽與《中年好聲音》歌手主持的TVB新節目《奇蹟小店》將於今晚（7日）起，逢周一至周三播出，節目還請來「音樂情人」擔任聲音導航，每集透過介紹不同類型的「奇蹟小店」，帶出每間店背後的感人故事與香港情懷。

【點擊睇肥媽支嚳儀紮馬】：

跌打館「寶芝林」第二代傳人李燦窩因為四個字「養育之恩」，堅持到今時今日。

肥媽、支嚳儀一齊學紮馬。

大家睇吓支嚳儀學紮馬時幾跳脫。

齋睇呢吓腳嘅姿勢，就知紮一個馬步幾咁唔簡單。

肥媽個樣呆咗。

支嚳儀同師傅傾傾吓偈忽然撒嬌，當堂殺咗現場兩位前輩一個措手不及。

因為秉承養母暨師母教誨—濟世為懷，李師傅多年來無論多艱難仍堅持以街坊價診症。佢喺節目度都有幫肥媽睇吓隻手。

李師傅多年來仲一直好堅持為「寶芝林」尋找接班人，佢對徒弟嘅愛，絕不下於對親生仔女嘅愛。

鮑聖光穿插節目演繹貼題經典金曲，是節目的神來之筆。

梁師傅呢身嘅打扮，集齊佢同佢愛女嘅至愛元素。

證書牆好壯觀！

仲有唔少裝修位都好特別，等支嚳儀今晚同你逐一拆解啦。

肥媽睇睇吓跌打，突然自爆因為一個原因會失禁。

支嚳儀聽到笑到不行。

梁師傅除咗對跌打事業，對深水埗都有一份特有情懷。

保留咗上居下舖舊香港特色。

就算喺舖頭入面嘅遊戲，都係梁師傅專誠為愛女而設。

留意番阿女嘅眼神，雖然好淘氣，但足見對爸爸好有愛。

支嚳儀話完完全全感受到梁生係幾咁愛自己個女。

重情的梁師傅說：「我希望到死都係做緊呢行。」

今晚播出的第一隻，肥媽帶領支嚳儀走訪兩間小店，第一間跌打館「寶芝林」，是由黃飛鴻遺孀莫師傅帶來香港，並由養子李燦窩擔任第二代傳人。雖然小店面積僅約200呎，經營之路亦不平坦，但李師傅還是覺得「苦中有甘甜」。秉承著養母暨師母教誨—濟世為懷，李師傅無論多艱難仍堅持以街坊價診症。

為承傳師母心血，同時亦致力培訓接班人的李師傅說：「最緊要係個招牌。雖然壓力好大，但我心甘情願去做，起碼我相信佢在天之靈會高興。」而能讓李師傅一力撐起整個招牌的，亦是師母的養育之恩：「我記得好鍾意一隻瓷器貓仔，佢就買畀我，當年嚟講五蚊買玩具係好貴。」

另一間由「骨二代」梁天柱師傅經營的跌打館，則以傳統揉合新潮見稱，保留著上居下舖舊香港特色的這所店舖，以梁師傅女兒最愛粉紅色作主打，並以充滿港式情懷的擺設及設計作裝潢，支嚳儀對此亦讚不絕口：「完全Feel到店主對香港嘅愛，仲有啲電影經典對白同橋段可以喺裝修度見到。」雖然裝修及為人新潮有創意，但梁師傅與李師傅一樣有著傳統魂，除凡事均以愛女為出發點，對自小長大的深水埗區及跌打事業亦有著情意結：「我自小夢想就係將跌打醫館以遊樂形式去經營，我希望到死都係做緊呢行。」

近日參與不少綜藝節目演出的支嚳儀，在節目中可謂喜感大爆發，爛Gag更是源源不斷。當支嚳儀跟「寶芝林」李師傅學紮馬時，由於步驟多變又繁複，不斷被「馬」字攻擊致大腦短路的支嚳儀竟大叫：「我淨係識跑馬咋！」當李師傅解釋「佛山無影腳」如何有影變無影時，支嚳儀又無厘頭爆出一句：「咁我哋着喇叭褲都可以變成無影腳喇！」

至於向來語出驚人的肥媽，更在接受師傅診症期間、突然自爆看跌打時會因為一個原因失禁！肥媽更分享了母親從前的教誨：「我媽以前叫我記得做茶樓，起碼一返工有盅飯食吖，其實我哋做嘢最緊要有飯食咋嘛。」

【其他文章】：

肥媽演唱會丨8月英國個唱突然宣布延期票價貴過呢位國際巨星引討論

肥媽36年前唱片封面原來由影帝操刀拍攝自爆未學過中文寫得好差

支嚳儀狂晒七年前超Deep V婚照法國古堡夢幻婚禮有賭王千金拉頭紗

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

關鍵字