山頂廣場BB瞓地無人理 外傭玩成個鐘手機 途人勁嬲力數六宗罪|Juicy叮
2023-07-29 07:01
不平則鳴。有途人在山頂廣場見到一名外傭懷疑不恰當對待少主人,氣憤之餘不忘拍下「罪證」力數六宗罪,並將短片和相片上載至「香港僱主討論區(外傭/鐘點/陪月/本地ee) 」引起網民關注。
樓主於本月24日下午4時32分上載短片,指明時間和地點:「山頂廣場時間4:15pm」。帖文共有兩段分別長27秒和16秒的短片,片中見到BB一時自己坐於玻璃門門口地下,一時如游泳般瞓在人來人往的通道上,而外傭則在旁玩手機。
外傭山頂廣場玩手機BB瞓地無人理逐格睇 + 樓主和網民勁嬲回應↓↓↓↓
![樓主帖文。網上截圖](https://image.hkhl.hk/f/1024p0/0x0/100/none/375b34ca263bf853a04f9ca0c52b57df/2023-07/0_11.jpg)
![樓主:其實佢知我一直影佢。網上截圖](https://image.hkhl.hk/f/1024p0/0x0/100/none/22f226901ffdbe8692e0ec6c9cc7091a/2023-07/2_1_39.jpg)
![樓主:其實佢知我一直影佢,所以佢之後拖咗BB出另外一邊,我返去睇咗幾次,情況都維持咗一個鐘。網圖](https://image.hkhl.hk/f/1024p0/0x0/100/none/d6aaebc9925e91ae8acbe23a219f4f95/2023-07/3_1_75.jpg)
![網民:要出聲講,下次見到問有冇嘢幫忙。網上截圖](https://image.hkhl.hk/f/1024p0/0x0/100/none/cc1981fccec74368db8a9d74c6800dca/2023-07/4_29.jpg)
![樓主:咁樣對BB唔係咁好。網圖](https://image.hkhl.hk/f/1024p0/0x0/100/none/5c33312f7600df3ec87adaf6f5655f8b/2023-07/5_0_31.jpg)
![樓主:只玩電話冇望BB,BB可能隨時會比人抱走。網上截圖](https://image.hkhl.hk/f/1024p0/0x0/100/none/0677002034e0cb0390618caad4e4b438/2023-07/6_38.jpg)
![網民:俾我見到一定會出聲,太離譜。網上截圖](https://image.hkhl.hk/f/1024p0/0x0/100/none/11402d74dc3a4709d76911b6cbd12df1/2023-07/6a_7.jpg)
樓主指出6大錯處↓↓↓↓
樓主指「坐喺餐廳食嘢真係睇唔過眼,希望個BB個爸爸媽咪見到」,連隨數出外傭在事件中的六宗罪——
外傭六宗罪包括:
1. 由BB自己坐喺玻璃門門口地下,一有人開門即刻會夾到
2. BB坐喺地下之後食自己對鞋,先後4次佢冇阻止,只係喺袋拎粒餅出嚟畀BB(我以為佢拎清潔紙巾)
3. BB係食完鞋冇洗手之下食餅
4. 粒餅跌咗落地下佢喺地下執返畀BB繼續食
5. 全程個姐姐只係玩電話完全冇理BB
6. 之後返去望個BB瞓咗係地下佢冇理,之後單手拖佢起身,再瞓地又冇理
但樓主不好意思地稱,「只怪我可以做到呢度,我唔敢行埋去鬧佢,如果你哋識BB嘅父母請話俾佢聽情況」。
樓主續指「其實佢知我一直影佢,所以佢之後拖咗BB出另外一邊,我返去睇咗幾次,情況都維持咗一個鐘。其實只係個人認為咁樣對BB唔係咁好,因為BB食鞋底多次同埋坐正玻璃門口,同埋佢只玩電話冇望BB,BB可能隨時會比人抱走,但係唔知佢父母會唔會認為可以接受,所以我都係反映個情況」。
樓主在回應欄續指:
•希望佢父母見到啦,BB好陰功
•希望可以畀佢父母知道,因為佢BB真係好危險,撇除咗佢污糟食咗落肚之外,其實個外傭唔睇實個BB先係最大問題,個BB其實好乖,完全冇扭計,BB一想嗰個外傭抱,佢就即刻畀塊餅佢,但係佢個focus完全係部手提電話,望都無望BB
•其實佢知我一直影佢,所以佢之後拖咗BB出另外一邊,我返去睇咗幾次,情況都維持咗一個鐘
•其實只係個人認為咁樣對BB唔係咁好,因為BB食鞋底多次同埋坐正玻璃門口,同埋佢只玩電話冇望BB,BB可能隨時會比人抱走,但係唔知佢父母會唔會認為可以接受,所以我都係反映個情況
網民嬲嬲回應↓↓↓↓
•俾我見到一定會出聲,太離譜
•要出聲講,下次見到問有冇嘢幫忙,會唔會幫到件事
•多謝你(樓主),如果我係BB媽媽,我都希望有人拍低畀我睇
•你(樓主)拍下情況已好好,有機會訓練下自己膽量就更好!
•真也要出聲話佢,佢哋班人欺善怕惡,專蝦老人,小孩。
•嘩,好離譜吖,呢條外傭即刻掃把佢啦,小朋友咁細個,X佢個肺!
網民長文回應↓↓↓↓
•認同你(樓主)拍低,講真,呢個工人姐姐衰到咁,你話得佢一次,話唔到佢第二次。你拍低咗,比開口話佢緊要。你已經比好多又冇出聲,又冇拍低嘅人好
•我都認同,呢一刻話咗姐姐,轉頭你(樓主)走咗,個姐姐一樣會繼續咁對個BB,幫唔到幾多,肯拍低片已經真係做得好好,希望BB屋企或者朋友會見到呢段片,知道就即刻炒咗呢個姐姐佢,留姐姐係度,BB遲早出事
•見到佢一刻都無放低個電話,單手拉起個BB真係……個阿婆經過都望咗佢幾眼。工人當BB同隻小狗一樣咁湊,見者傷心,希望佢父母會見到條片,炒咗個工人佢
•雙識父母死做爛做都是希望搵多D錢俾子女更好的生活環境,如果BB父母知到自己小朋友被人咁對待,真是會好心痛,呢舊xx , 對眼唔可以離開部電話超過3秒,真是送佢返鄉下慢慢玩啦! 唔好係度害人!
節錄網民精警回應↓↓↓↓
![如果BB父母知到自己小朋友被人咁對待,真是會好心痛。](https://image.hkhl.hk/f/1024p0/0x0/100/none/99761cfb667f3617c56099ad5dd31969/2023-07/A11_0.jpg)
![對眼唔可以離開部電話超過3秒,真是送佢返鄉下慢慢玩啦! 唔好係度害人!](https://image.hkhl.hk/f/1024p0/0x0/100/none/0c98f1d3390ab7092de93a6711fcf894/2023-07/A22.jpg)
![單手拉起個BB真係……個阿婆經過都望咗佢幾眼。](https://image.hkhl.hk/f/1024p0/0x0/100/none/442ce680da250743270c7f7a04cfe2bb/2023-07/A33.jpg)
![希望佢父母會見到條片,炒咗個工人佢。](https://image.hkhl.hk/f/1024p0/0x0/100/none/a7a331dc5269c3b1fdf3363e5b48bfef/2023-07/A44.jpg)
![我都認同,呢一刻話咗姐姐,轉頭你走咗,個姐姐一樣會繼續咁對個BB](https://image.hkhl.hk/f/1024p0/0x0/100/none/bb77421c7beda27867df33469980090a/2023-07/A55.jpg)
![俾我見到一定會出聲,太離譜](https://image.hkhl.hk/f/1024p0/0x0/100/none/e9a6d90f3ab125c24d0b5f00151b214b/2023-07/A66.jpg)
其他網民回應請瀏覽上文圖片↑↑↑↑。
外傭相關新聞:
獲外傭贈價值不菲頸鏈 港媽聞一句話即令感動變質
![獲外傭贈價值不菲頸鏈 港媽聞一句話即令感動變質](https://image.hkhl.hk/f/1024p0/0x0/100/none/08e4b1ec9d1698e516bce7bfb0503591/2023-07/20221227_news_gift.png)
外傭生日送手機做禮物 港媽:感激遇到好姐姐
![外傭生日送手機做禮物 港媽:感激遇到好姐姐](https://image.hkhl.hk/f/1024p0/0x0/100/none/f5c17a89a522196e66b8393a9a1698f7/2023-07/_2020100810572152568_popup.jpg)
—————
《星島頭條》APP經已推出最新版本,請立即更新,瀏覽更精彩內容:https://bit.ly/3yLrg
最新回應