初選案︱ 何桂藍在2020 年7 月將軍澳論壇中表示於立法會中「文攻武鬥」

「35+」初選案續審，被告何桂藍今早於西九龍法院引述街站中曾提出「歷史性變革」一語，今解釋經過2019年香港人會明白追求民主過程中，「冇可能永遠都安全，係一定會有代價嘅」，所有人也無法迴避香港難以再維持現狀，民眾也不能單靠領袖來行事，「一定要自己落場，自己搵一個方式貢獻場運動」，故認為「比起大國博弈地緣政治嗰啲，我個人認為人心改變先至係真正令到變革有可能發生」。

大律師Trevor Beel主問下播放2020年7月初將軍澳民間論壇中何桂藍發言片段，當中何桂藍提到於立法會中「文攻武鬥」，民主派中有人一支獨秀，陳志全區諾軒等勤力提出財政預算修正案，有部份民主派表現則未如理想，自己晉身立法會的話會盡力嘗試。何桂藍今庭上解釋「文攻武鬥」為當時討論立法會時所用的術語，部份民主派認為提出修正案也會遭立法會主席梁君彥拒絕，故覺得多此一舉。何桂藍反駁公眾如得悉修正案有需要提出，然而被梁君彥排除的話，則會認為責任在梁君彥身上，故要盡用提修正案及質詢的權力。何桂藍再解釋武鬥指「如果我哋畀人熄咪，而保安已經衝緊埋來，唔代表要放棄我哋要講嘅嘢。先唔講有冇用、達唔達到目的，假設我成為立法會議員，就有一個責任，即使畀人肢體阻止，都要提出我應該要提出嘅嘢」。

Trevor Beel再播放7月11日大圍街站中何桂藍發言片段，何桂藍提出「歷史性變革」一語，今解釋經過2019年社會運動，香港人會明白追求民主過程中，「冇可能永遠都安全，係一定會有代價嘅」，亦再沒有人可以對香港問題視而不見，即使不參與運動也無法迴避香港難以再維持現狀，民眾也不能單靠投票選出領袖或代表來行事，「一定要自己落場，自己搵一個方式貢獻場運動」，故認為「比起大國博弈地緣政治嗰啲，我個人認為人心改變先至係真正令到變革有可能發生」。

Trevor Beel問到街站中何桂藍指「鳥籠式民主」何解，何桂藍答許多人對民主理解成一人一票、有論壇、選舉後當選人與官員有問有答，何桂藍反駁「真正嘅民主係講緊成套制度」，反問「澳門都有選舉，但係噉樣嘅選舉係咪真係可以令到民意影響到政府嘅施政同埋政策呢？」何桂藍續指「香港人一直都有票投，但我哋對於呢個城市嘅規劃嘅發展，對於公共開支究竟要點樣使，我哋有冇say呢？好明顯係冇嘅，即係話佢（整套制度）透過選舉去吸納民意，同埋去吸納民間嘅政治能量，然後將佢困咗係一個根本冇出路，亦都冇辦法帶來改變嘅institution（體制）入面」。   

何桂藍回應《香港國安法》指定法官李運騰昨日問題指既然無法落實政策倡議，「究竟選議員來做乜嘢嘢呢⋯⋯」何桂藍解釋一直以來「好有問題嘅嗰個財政審議制度」沿用自1840年殖民地年代，故2019年運動目標是要進入議會改變成新一個制度。何桂藍續指另外「講到立法會乜用都冇，但仍然去選立法會呢個為乜嘅呢個問題，正正就係2020年好多人覺得投初選冇意思，而唔肯去投初選嘅問題。好老實講，我相信喺2020，冇一個民主派嘅人士可以圓滿噉樣答到個問題，而我自己最老實嘅答案，你問我2020年搞咗半年，搞咁多嘢為乜，其實我係答唔到嘅。直到我見到61萬呢個（投票）數字，呢一個就係當時根本冇人想像得到會出現嘅局面，可能喺法律嘅場合就係每樣嘢好清楚噉有原因有結果有過程有動機，但係政治行動唔係跟呢啲logic行嘅。簡單來講就係意義呢家嘢，做咗未必搵得到，但係如果你唔做就一定搵唔到」。 

法庭記者：陳子豪

---

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ