獨家丨資深經理人造造出書助大樹下籌款 感激鄭秀文撲糧讚吳卓羲暖男

資深經理人造造(陳昱彤)最近推出新書《毛孩契約：我用了18250天走到大樹下》，除為「大樹下善待動物庇護站」籌款，傳達善待動物訊息外，造造更表揚鄭秀文、吳卓羲及袁文傑等愛心藝人，尤其重提當年颱風山竹吹襲過後，吳卓羲趕往鋸走壓住庇護站的大樹，造造感動落淚，激讚對方係暖男。採訪：方騫平 場地：The Stadium

造造推出新書，傳達善待動物訊息及為大樹下籌款。

新書分別撰寫造造成長及工作經歷，亦有紀錄跟大樹下點滴及狗場內的感人故事。

重提吳卓羲、鄭秀文、袁文傑等對浪浪嘅付出，造造感動落淚。

陳昱彤曾為鄭秀文、郭富城、吳奇隆、梅艷芳等做過唱片宣傳，近年協助黃心美、林希靈、黃劍文經理人事務，圈中人緣甚佳。新書分別撰寫造造成長及工作經歷，亦有紀錄跟大樹下點滴及狗場內的感人故事。

早期華納時代，造造做過吳奇隆經理人。

造造曾經係《肥肥繽紛三十年》大型節目中其中一位肥妹。

造造亦係牛義工。

造造跟梁詠琪好老友。

喺環球時期曾經跟2R合作過。

跟梅姐做嘢得益良多。

喺環球唱片跟軒公結緣。

梁詠琪及黃劍文為新書幫手寫序。

吳卓羲鋸樹5粒鐘

造造為「大樹下」當了9年義工，最感動吳卓羲(Ron)為浪浪及大樹下的付出，見唔夠醫藥費，會主動話「包底」；又肯放低藝人身段，到大眾化嘅商場做店長：「好記得佢喺2018年9月15日山竹來襲前一日做義賣，翌日風力加強變十號超強颱風，狗場吹至停水停電，大樹橫臥大門口，另一棵壓住狗舍屋頂，如果唔及時鋸樹恐怕會壓爛屋頂。幸而Ron致電關心『狗場有冇嘢要幫手？』仲不顧自身安危，駕車接載助手及3位義工，帶埋20個漢堡包去狗場『做嘢』，因為風災後資源有限，佢只能用我喺五金鋪買嘅鐵鋸鋸大樹，鋸足5小時鋸到鐵鋸都變彎…」語畢造造感動落淚，大讚Ron好有俠義精神。

吳卓羲於超強颱風山竹來襲前做義賣，因為明星效應大受歡迎。

至於2017年狗場狗糧告急，鄭秀文(Sammi)即親自送糧到狗場，事隔幾年才知她和司機由區：「天后撲糧消息，原來早已傳遍元朗區寵物店，唔怪得當日佢姍姍來遲。」另外，2020年10月25日凌晨大樹下受山火威脅，袁文傑、楊證樺、張明偉半夜已喺山腳stand by，隨時候命協助撤離貓狗，造造非常感激。

Sammi親自送狗糧到狗場，事隔幾年才知她和司機由港島撲糧撲到元朗區。

袁文傑為大樹下出心出力。

2020年10月25日凌晨，大樹下受山火威脅，情況驚險。

浪浪一度準備撤離。

雖然跟江若琳唔熟，因為愛錫動物，將兩人距離拉近。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ