星8卦｜「大姐大」後生專做第三者搵刺激老嚟免費送外賣無人要

2023-07-14 11:00

呢排「大姐大」紅到連自己都估唔到，但熱度一過咪又打落凡間做普通人！

「大姐大」又未真係點樣紅過，靠一副標緻樣貌後生嗰陣真係幾受男人歡迎㗎，連「二世祖」對佢生滋貓入眼，介入咗「吸胸」做第三者。

講開又講「大姐大」真係有鋪癮，成日鍾意搞人老公。好似當年佢搏殺期間有個經理人好姊妹「嬌姐」，成日同人哋兩公婆三人行，久而久之同「嬌姐」老公上埋牀，「嬌姐」啲朋友知道即刻打小報告，「嬌姐」唔怪「大姐大」反而怨自己老公唔生性，即刻申請離婚，老公以為今次可以順利解決，點知回復單身之後，「大姐大」竟然同老公提出分手，理由係唔想破壞人哋家庭，但一開始佢嗰種勝利第三者姿態，激到「嬌姐」情緒出晒事噃！

咁多年「大姐大」都無諗過搵好碼頭泊，又或者佢嘅言行唔會令男人想娶佢返屋企，到近幾年知道自己可賣嘅貨唔多，開始搵老男人埋手，但人哋有條件就梗係搵後生靚女啦，摸落皮光肉滑身材正，「大姐大」邊度有得比呀，可惜佢唔明白男人心理，仲成日拋個身出嚟想泊岸，貪你有名氣咪食一兩次囉，隨時錢都唔使花，「大姐大」蝕住送外賣一直唔清醒，都咪話唔係一齣悲劇！