獨家丨楊偲泳 林千渟唔怕爭角色傷友誼 拍《我們的十八歲》變閨密

林千渟（Angel）和楊偲泳（Renci）在溫碧霞半自傳式電影《我們的十八歲》首度合作，Angel飾演溫碧霞年輕版，而Renci的角色則以林碧琪和藍潔瑛為藍本，而角色成熟版由李麗珍演繹，兩人都為角色做很多準備，更因電影而成為無所不談的好閨密。採訪：杜杜 攝影：譚志光 形象:@syanleung(Renci) 髮型、化妝及服裝:Terry　Yeung@Yonda Hair、Melody Chou、majeparis(Angel)、Nickienick (orient4) assisted Lika Leung、Deepmakeup、dolcegabbana(Renci) 場地: The Vault@Fringe Club藝穗會

Angel和Renci合作後，經常相約飲酒吹水。

溫碧霞曾讚Angel似她年輕時清純一面，而Angel覺得最難演到對方性感一面。

楊偲泳角色成熟版，由李麗珍演繹。

Angel首次擔正電影演出，最初壓力很大，幸好溫碧霞一直有畀意見，「叫我唔需要太跟足𠵱家嘅佢，因為佢細個同𠵱家有好大分別，細個好粗魯好爽朗，另外佢又分享遇到啲咩會點應對，同埋諗法，佢喺開戲前同我傾咗好多。」至於Renci的自由度較大，不過她覺得最可惜是未能跟飾演成熟版的李麗珍好好交流，「好後期先知佢演，試造型時見到打過招呼，因為我哋冇同場戲，都期待佢點評價呢個年青版。」

Renci角色以林碧琪和藍潔瑛做藍本，事前看了很多對方的演出。

角色由18歲演到28歲，Angel認為跨度大是一大挑戰。

 真實拍拖好理性

戲內兩人是好姐妹一齊成長，戲外亦因合作成為閨密，Renci說：「我哋都係爽快同埋easy going嘅人，喺行內有個咁嘅朋友已經好開心。」就算圈中選角競爭大，Renci認為無損友誼，「如果佢同阿談（談善言）我OK囉！哈哈！其他嗰啲我會揼心口問點解，見係你，好啦唔嬲啦！」Angel亦都唔擔心，「導演已經諗咗角色要咩氣質，真係好合眼緣，同埋有啲嘢冇得揀，諗太多會令自己更加唔開心。」

 

戲中兩人要扮18歲學生妹，她們認為心境比外形更難掌握。

兩人有不少感情戲，就好似陪着對方和角色一同成長。

29歲的Angel和Renci講到18歲時，同樣不知天高地厚，亦愛周圍探索，各自跟好姐妹孭背囊去旅行，而且初戀已發生，但她們異口同聲絕不似戲中角色會為仔死為仔亡。Renci說：「我性格唔係咁嘅人，比較理性，因為我會覺得好唔抵，我仲有好多嘢想做。」Angel亦認同，「覺得開心就開心，唔開心就算。」

Renci因《毒舌大狀》晉身億萬票房女星，多了演出機會。

首次擔正的Angel，除向導演和溫碧霞攞意見，還向同門師兄張繼聰取經。

《星島頭條》新網站有更多精彩內容：http://www.stheadline.com/