深水埗惡女霸街無牌洗車 迫排檔硬食污水 囂張回應：「叫差佬嚟同我講！」｜Juicy叮
2023-07-13 05:51 
HOY TV節目《一線搜查》報道，深水埗白楊街有洗車店非法霸佔街道，令鄰近排檔日日要硬食「污水放題」，苦不堪言，當節目組記者到現場質詢時，惡女竟囂張回應：「叫差佬嚟同我講！」
深水埗女惡霸無牌洗車 日日污水放題↓↓↓↓
HOY TV節目《一線搜查》早前一集報道洗車店霸街洗車的情況，在深水涉白楊街，街上排鋪貼滿控訴一間洗車店的大字報。
大字報內容包括：「無良洗車鋪」、「水電橫跨行人路、雜物霸佔馬路」、「長期違例泊車洗車、影響道路交通安全」等等。
2021年開始霸街
據多名排檔檔主表示，由2021年12月開始，該處一間洗車店便經常以雜物，霸佔街道及排檔位置，用來洗車。
有排檔檔主在節目中表示：「佢哋經常擺一啲水桶、洗潔用品、毛巾（霸位），同埋會掛啲毛巾係我檔口到曬。」
「我入面啲地板都霉咗」
有劏主更指出：「洗車嗰時有好多水，射入我排劏，我入面啲地板都霉咗。」
「如果要洗車，用返佢哋嘅地方，唔好佔我哋啲地方，變咗我哋要開（排檔），好唔方便呀。」
「大家玩大佢呀」
旁邊的小食店檔主更投訴被洗車店職員恐嚇：「（佢話）大家玩呀，睇你開唔開到檔，你嘅檔口係到呀，大家玩大佢呀，我唔攪你，你攪我，得，無問題㗎，睇你收唔收到租？」
涉事的洗車店只有100呎，估計該店只足夠放洗車工具，該店長期將馬路及排檔位置「私有化」，節目中看到該店某日運作，將三架車大搖大擺泊在排檔位置。
店鋪只有100呎 霸街洗車
節目拍到該洗車店負責人霸街洗車情況，她用高壓水槍打濕車身，再在車身抹上白色化學清潔劑。
洗車時的污水未做處理，便流入街邊污水渠。
記者埋身追訪
節目派出記者追訪洗車店負責人，她表示會報警，又拒絕記者訪問：「我唔接受訪問！」
當記者問附近排檔貼出批評她店鋪的大字報，她即回應：「佢哋貼大字報關我咩事？」
「我畀人騷擾呀」
她又警告攝影師：「你唔好再影呀，我可以告埋你哋㗎。」
她又走向記者身後扮見到警察：「後面有差佬呀，喂，我畀人騷擾呀。」
記者強調只是求證，不是騷擾，又指排檔投訴她阻街，女負責人即表示：「你叫差佬嚟同我講呀！」
該洗車店未領污水排放牌照
節目發現全港有不少洗車店都有違法隨街洗車，公然霸佔公眾地方洗車。
環保署資料顯示，經營洗車店應先申領污水排放牌照，該署回覆該節目查詢指，該洗車店未領有污水排放牌照，去年至今已去涉事洗車店巡查了18次，但每次均未有足夠證據向洗車店提出檢控。
環保署警告負責人
環保署已向負責人作出警告，並同時將個案通報食環署和警務處。
食環署則表示，去年今年五月，接到三宗關於該店的投訴，署方在接獲節目投訴後，已派員到洗車店發出一張移走障礙物通知書。
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應