張致恒再做老竇！雯雯認第四胎快將出世出新招IG玩月費制解財困

2023-07-12 17:06

張致恒2019年與粉絲區燕雯（雯雯）奉子成婚，三年間誕下三名兒子，惟婚後是非不斷，女方更多次公開數臭老公，雖然屢傳婚變，但至今二人仍維持夫妻關係，因而被網民嘲諷是「離婚KOL」。未料潛水多時的張致恒，上周三（5日）忽然於IG Story貼搓湯圓照，惹網民猜測兩公婆和好如初，今日（12日）雯雯則直認再陀第四胎！

【相關閱讀】：張致恒老婆雯雯疑陀第四胎！自爆即將做手術隨時被上天帶走

【點擊睇張致恒夫妻是非】：

Steven在2019年突然宣佈與粉絲雯雯育有一子，並將會結婚；不過他當時另有女友，又同時爆出他偷食，更有指他曾「一腳踏五船」。

Steven與雯雯在2019年9月簽紙結婚。

張致恒與雯雯結婚逾三年，育有三個兒子，細仔去年6月出生。

去年11月一家五口連工人姐姐遊農場，親親小動物。

雯雯出心出力湊仔。

雯雯之前只得單人BB車，湊三個仔仔出街相當麻煩。

之後上網買BB車慘被騙，後來得到熱心網民送贈雙人BB車，現在雯雯湊仔出街輕鬆不少。

雯雯早前一拖三去睇黃鴨。

Steven曾在IG經常以慈父形象現身，不過其IG自去年7月開始就未有更新。

今年初有網民在抖音上載了一段短片，直擊張致恒在開平酒吧演出。

雯雯曾出post鬧爆張致恒又懶又廢，對小朋友冇責任心。

至於與老公張致恒的關係，雯雯似乎暗示要看對方有無心去改變。

有網民問雯雯，張致恒的性能力是否很強，雯雯避談，叫網友去張致恒IG。

雯雯早前鬧爆老公張致恒，更坦言沒錢讓囝囝搭車返學。

雯雯上周又突然發文數臭老公。

同日晚上再鬧爆張致恒「一毫子都冇拎過出嚟」。

更直指是被張致恒逼癲。

不過，雯雯開設網店賣寵物零食、童裝，張致恒都有follow。

雯雯3月初做成第一單生意，寄出超過30包零食。

雯雯店內標示為韓國的親子裝，被指只是淘寶貨，售價還要貴一倍。不過雯雯即漏夜發聲明，更說：「可唔可以畀條生路我行？」

張致恒上周三凌晨突然更新IG，指有人深夜叫他整湯圓。

張致恒手腕有多個紋身，當中更包括二仔名字。

張致恒終於在天水圍小食店工作，但雯雯又再放負。

雯雯日前發長文宣布不再公開個人IG內容。

雯雯發長文公開有關決定的原因。

雯雯即被網民揣測懷有第4胎。

有網民私訊雯雯，問及交租狀況及有否考慮放棄第四胎等問題，雯雯坦承即將「卸貨」。

雯雯今日又出Po，透露新IG帳號將採取會員制，月費50元。

雯雯似乎很不滿私訊對話被公開，她今日於IG Story公開網民帳號。

雯雯再爆Seed自稱行得正企得正，更挑機表示隨時歡迎大家來套料再抹黑。

雯雯近日於社交網透露：「接下來……既然上天再一次畀咁樣嘅安排我，我就應該好好計劃，靠自己去照顧好上天畀嘅每一份禮物。再一次負起呢個責任，迎接呢份禮物同安排，無謂再去浪費氣力，同時間只係喺度發洩同埋鬧。」引起不少網民推測她正在陀第四胎。一段網民私訊雯雯的對話今日於網上流出，當中雯雯直認即將「卸貨」！被問到可考慮到分薄三個囝囝的資源而放棄第四胎？她說：「我知道嘅時候，已經四個月，同埋因為本身身體狀況，要同唔要都會大出血。同埋而家都已經差唔多出世。」

過去雯雯曾多次表示財困，小朋友更因沒錢搭車而未能上學，她早前則鬧爆張致恒「一毫子都冇拎過出嚟」，每日只在家中食、屙、瞓。當網民問及其交租情況，雯雯透露上月租金已獲網民救濟，但本月仍尚欠租金：「我意思係今個月冇得交，再加上要還錢畀人，咁啱，依家又到左要交租嘅日期，同埋兩個嘅書簿費，我仲未畀到，學校問咗好多次係咪唔讀。（而家差幾多？）租13000，兩個仔書簿費雜費，所有嘢加埋4000。」

日前聲稱停用舊IG帳號的雯雯，今日又出Po回應網民私訊求Follow「ugly_mama2.0」帳號，她表示許多人並非真心關心，故新帳號打算將採取會員制，月費50元：「我都唔希望再有唔好嘅事喺裏面，我亦都知道有好多媽媽都好鍾意我三個小朋友，好鍾意睇佢哋，同埋3隻狗仔。新IG多數都會係放一啲片，啱啱有網民提議，我可以轉做會員制度，一來可以幫助我屋企經濟問題，二來可以阻止一啲用意唔好嘅人。」不過對於死訊對話被公開，雯雯似乎甚不滿，她隨後於IG Story公開網民帳號，並爆Seed說：「我唔係殺人放火做咩壞事，我行得正，企得正，所以有幾多人要來套我說話，再公開抹黑，我都隨時歡迎。對於我嚟講，每個人都係善良，但係佢內心要變咗黑色，我都會照祝福你。」