黃明德平常心面對DSE放榜 唔夠分讀歷史系再讀兩年副學士

黃明德今日到新城電台為新歌《會議終結者》宣傳，他透露此曲講述工作時會很洩氣，希望打工仔可透過歌曲發洩。仍是學生的他，坦言能夠兼顧歌手工作感幸運，既可返工又可返學有喘息時間，而公司安排的工作時間很妥當，令他不用走堂，出道後更有老師留意到他。

可以兼顧工作與學業覺得好幸福。

對放榜冇乜信心。

他說：「可能老師年紀大啲，會接觸電視多，有時會話喺電視終於見到我。」作為DSE考生的黃明德，對於本月19日放榜，他表示聽聞當日會有颱風，希望屆時風平浪靜，但對成績方面信心只有一般，因為覺得自己沒有超水準的發揮。他說：「如果分數未達標想讀嘅歷史系，我會讀副學士兩年，再接讀大學，我一定會完成學業。父母由我留班後，知我唔受得壓力，唔會畀壓力我。（放榜前一晚如何渡過？）一定會緊張，打下通宵機囉！」

 

《星島頭條》新網站有更多精彩內容：http://www.stheadline.com/