東張西望丨疑有精神病前老闆七度到員工新店發難 狂掟玻璃樽枱櫈嚇到唔敢返工
2023-07-10 23:15 
TVB節目《東張西望》今日（10日）報道一宗大圍狂漢瘋狂滋擾髮型屋個案，受害人May在大圍一間髮型屋工作超過一年，一直都安然無恙，直至今年3月重遇昔日舊同事，對方竟接二連三到髮型屋鬧事。May更被嚇到不敢上班：「公司始終俾我連累到，個個星期都嚟騷擾，搞到做生意又難咗，又騷擾到客人，我驚佢下一步做啲咩做傷到人。」
【相閱閱讀】：東張西望丨平價樂園門票又爆騙案！200苦主被呃逾60萬人民幣 有人失逾10萬
【點擊睇大圍髮型屋鬧事】：
May表示對方是她第一間任職的髮型屋老闆：「當時同佢一齊做嘢，大家純粹同事關係。」May透露今年3月12日上班，期間有一段空檔時間，與朋友在髮型屋門外聊天，之後碰巧碰到前老闆。May還重演當日情況：「我已經特登同佢隔開少少，佢問我『你去邊？』我話『我要返工。』佢就跟咗我過嚟。」May指當時已經很害怕，對方卻點名叫May為他剪頭髮。
從髮型屋向《東張》提供的片段見到，當日老闆及May多次以要預約為由拒絕為對方理髮，但May的前老闆竟然發爛，更在門口叫囂、推撞職員：「報警吖！我唔X走啊！報警吖！你知唔知我係邊個啊！？」由這天起，May前老闆多次上門鬧事。髮型屋老闆表示：「我最初以為得一次，諗住報咗警嚇退咗佢，點知逢星期日、偶爾星期六，早上10點至12點，佢間唔中都會嚟。」
4月8月晚上7時，May前老闆更上門企圖以膠紙遮蔽閉路電視，豈好有街坊見狀，立刻制止對方。4月30日的閉路電視，見到May前老闆變本加厲，竟向髮型屋掉玻璃樽，令髮型屋門口佈滿玻璃碎，職員卻反被對方狂鬧：「望乜X嘢啊？返入你個狗竇啦！」上月4日，May前老闆更直接坐在髮型屋門前的座椅，一直盯着店內情況，隨後他更突然將桌子掉出馬路，隨後又將椅子丟向旁邊的單車，然後繼續盯着髮型屋內部才施施然離開。不過因為May前老闆掉爛桌椅，警方亦受理案件，控告對方刑事毀壞。
疑自行停藥病情失控
May自3月中重遇舊老闆後，曾向舊同事詢問：「原來呢幾年有少少問題，要睇精神科醫生，要食藥，但前幾個月定一年，佢自己停咗藥，所以有少少失控。我唔係住呢度附近，但我會覺得有人身危險。因為近排發生咗好多社會問題（斬人案），我都有啲驚，而且停工都冇咗收入。」May曾經聯絡對方，表示自己並未有在該髮型屋上班，希望他不要再滋擾：「佢話呢個星期都返咗大陸，但佢明明前一日先嚟搞事。」令May覺得與對方難以溝通。
原來髮型屋位置與May前老闆寓所相距相近，不過《東張》採訪當日並無人應門。鄰居則指May前老闆經常「砰門」，又指他曾經飲醉酒。另一鄰居亦指他曾飲醉酒不斷敲門，因而有警察上門，不過平常對方態度友善。
《東張》最後竟然找到May前老闆作電話訪問，對方卻表示：「呢件事報咗好多次警，如果你想了解，你問返差館，有落過口供。」問到他身上經常有酒味，May前老闆則表示：「好多人都有飲酒㗎啦！」至於May被他嚇到不敢上班，他則表示：「佢返唔返工，我控制唔到，我同佢普通朋友。」又稱「中間發生咗啲事」，所以見到May才會怒氣衝衝。至於會否跟髮型屋老闆道歉，他卻說：「係佢同我講唔好意思，定係我同佢講？大家邊個對邊個錯都唔係今日可以同你講，呢啲唔詳細講喇。」至於覆診情況，他亦拒談。髮型屋老闆則表示從不認識對方，更懷疑他有精神病問題，希望警察、社工可以跟進個案。
被May前老闆滋擾很後，近日髮型屋更遭人惡作劇，連環被人冒充在facebook貼文，指要轉讓或請人，更留下髮型屋的地址及電話號碼。《東張》向警方查詢，警方指在3至6月期間，接獲大圍一間髮型屋共七次報案，經調查後，警方在6月17日以「刑事毀壞」拘捕一名42歲男子。
【相關閱讀】：
東張西望丨梁敏巧採訪假神醫被追罵「企喺度」 處變不驚繼續質問報警收場
東張西望丨東張女神王嘉慧採訪驚險洩春光 學霸港姐出身家底雄厚
東張西望丨騙徒假冒《東張》職員呃錢？ TVB亦被借過橋離奇派錢極可疑
最新回應