東張西望丨平價樂園門票又爆騙案！200苦主被呃逾60萬人民幣 有人失逾10萬
2023-07-08 22:00 
香港經常有平價主題樂園門票騙案發生，今日TVB《東張西望》再次報道「平飛騙案」，今次更有多達逾200苦主，涉款金額更高達60多萬人民幣。《東張》近日收到多個受害人報料，全部經由「林先生」創立微信群組購買平價迪士尼樂園門票，不過付錢後，卻久未收到樂園門票，始發現自己受騙。
【相關閱讀】：東張西望丨葵涌單位天台漏水致木門發霉生菇 外牆現裂痕有倒塌風險！
【點擊睇平飛騙案】：
苦主謝小姐表示：「本身經朋介紹加入群組，群組有人放集門票，1100人民幣三位，我攞一日飛，佢一個星期出咗門票，我帶小朋友入（迪士尼樂園玩）。」謝小姐經上次成功購買門票後，之後再向「林先生」購買迪士尼樂園的一大一小金卡年票，豈料今次中騙局：「小朋友成日話要去迪士尼玩，我再向佢買多兩張飛，用咗2,400元港幣，買一大一小金卡（年票），成人每位1,400元，小童每位1,000元。半個月左右，佢應承出票，但前後甩咗我三次底，我喺迪士尼門口等咗幾個鐘，佢都冇出現，一直都係失聯。」謝小姐的小朋友因此感到非常失望。
多次聲稱「最後名額」
「林先生」創立兩個買飛群組，成員總共超過800人，有不少成員都與謝小姐一樣，曾購買平價門票進入樂園，因而對此深信不疑。另一苦主Tina向「林先生」購買七張迪士尼樂園一日門票，以及六張水晶纜車門票，Tina表示：「有一個幾熟嘅朋友話佢經呢個人（林先生）買過飛，信得過，所以冇戒心買咗。佢（林先生）話『你要去前一日同我講得㗎喇，如果你要買就盡快，因為名額得100個。』」
不過Tina仍未出發，就已經有人在群組投訴收不到門票：「到6月29、30日，有人喺群組投訴，5月啲飛都未有，跟住就嘈起上來，我覺得好似都幾大劑喎。」Tina隨即向「林先生」要求退款，但對方僅表示Tina所購買的是一日門票，仍未到期取票，不過「林先生」之後就未有再回覆Tina。
要求苦主兌錢冇回頭
今次「林先生平飛騙案」，苦主已經開了三個群組討論，更有超過逾200苦主，涉及金額更高達60多萬人民幣。其中一個向《東張》報料的苦主Cherry，涉款金額就高達逾10萬：「我啱啱開始幫佢買銀卡，兩個大人，三個小朋友，啲飛都用到，我朋友都想買就叫我幫佢買。今次已經係第五次，佢（林先生）同我講係最後一批，之後我就陸陸續續搵佢買飛，前後加埋40張成人、42張小童，門票方面係7至8萬。」
Cherry將錢存入自稱是「林先生」老婆的「陳小姐」戶口，其後陳小姐再向她提出以人民幣兌換港幣，Cherry因而再匯3萬元給陳小姐。不過之後陳小姐聲稱匯了3萬元給Cherry，但Cherry卻一直未有收到：「我再問佢（陳小姐）點解仲未過嚟，佢話佢先生會拎錢過嚟畀我，結果佢先生由早上一直延到晚上都冇出現，第二日都係咁。我哋啲苦主不斷搵佢又搵唔到，佢話拎飛過嚟又唔見人。」Cherry表示曾經向警署報案：「警察同我講，有關港幣可以喺香港報案，但有關人民幣就要上內地報案；好多苦主都去咗深圳報案，亦有喺香港報案，希望警方可以盡快處理。」而《東張》多次嘗試致電苦主提供的「陳小姐」電話，但一直都未有人接聽。
【相關閱讀】：
東張西望丨梁敏巧採訪假神醫被追罵「企喺度」 處變不驚繼續質問報警收場
東張西望丨東張女神王嘉慧採訪驚險洩春光 學霸港姐出身家底雄厚
東張西望丨騙徒假冒《東張》職員呃錢？ TVB亦被借過橋離奇派錢極可疑
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應