王菀之視李玟為仰望的偶像聞死訊極震驚 捧發哥場獲邀合照
2023-07-06 18:45 
王菀之（Ivana）為機場快綫25周年拍攝全新主題曲。lvana今日出席機場快綫慶祝活動，對於李玟（Coco）離世，lvana表示很難過，當年自己到加拿大讀書時只帶幾隻唱片，其中有李玟唱片。她說：「好遺憾未同佢合作，但佢一直係我仰望眼神嘅偶像。尋日聽到佢過咗身嘅消息都覺得好震驚同唔開心，希望佢屋企人同埋鍾意佢嘅人都可以節哀順變。」
另外，王菀之表示為該MV拍攝時，勾起不少成長回憶，因為哥哥在外國生活，故經常去接機同送機。她更自爆剛去完旅行叉足電，將會為電影及舞台劇演出，還會跟劇帝大師合作，所以要打醒十二分精神。談到她是否想挑戰做劇后？她表示會視為目標，皆因演技進步對演出有幫助。問到工作忙碌會否忽略老公？她說：「佢會send一啲公仔貼紙畀我，一send畀我就知要返屋企！我哋好心靈相通。」
Ivana有欣賞周潤發主演的電影《別叫`我賭神》，提到獲發哥邀請合照，她笑言收藏不少與「男神」合照，但並非自己要求影，更試過古天樂同張繼聰爭住跟她合照，亦曾經跟劉德華在台上一齊跳舞。
《星島頭條》新網站有更多精彩內容：http://www.stheadline.com/
最新回應